ہندوستان

یوگی ہی مودی کی بات نہیں مانتے،کس طرح عوام بات مانیں گے؟لاک ڈاؤن کے چند گھنٹوں بعد سی ایم کے ایودھیا دورے پر کانگریس نے سوال اٹھائے

نئی دہلی25مارچ(بی این ایس )
پی ایم مودی کی جانب سے کیے گئے21 دن کے پورے ملک میں لاک ڈاؤن کے اعلان کے بعد ایودھیا میں اتر پردیش کے وزیراعلیٰ یوگی آدتیہ ناتھ کے پہنچنے پرکانگریس نے سوال اٹھائے ہیں۔اترپردیش کانگریس کے صدر اجے کمار نے ٹوئیٹرپرکہاہے کہ اتر پردیش کے وزیراعلیٰ جی نہیں مانتے، بھیڑکے ساتھ پوجاکر رہے ہیں توایسے میں کس طرح اتر پردیش کے عوام وزیر اعظم کی بات مانیں؟ پورے ہندوستان میں بلااستتثناء تمام مذہبی مقامات کوبندکرنے کاحکم ہواہے لیکن اجودھیامیں مذہبی سرگرمی ہوئی ۔آپ کو بتا دیں کہ سی ایم یوگی آدتیہ ناتھ نے رام کو ٹن شیڈ سے نکال کر فائبرسے بنے عارضی مندر میں رکھاہے ۔اس دوران انہوں نے پوجابھی کی ہے اور ان کے ساتھ سیکورٹی اہلکاراورباقی بہت سے لوگ تھے۔سی ایم یوگی نے کہاہے کہ رام للا اس عارضی مندر میں رہیں گے جب تک مندر کی تعمیرنہیں ہوجاتی ہے۔ اس کے ساتھ ہی انہوں نے مندر کی تعمیرکے لیے 11 لاکھ کا چیک بھی دیا۔اس پورے پروگرام پر سوال اٹھاتے ہوئے اترپردیش کانگریس کے صدر اجے کمار للونے لکھاہے کہ نوراتر ی کا پہلا دن ہے۔زیارت کے لیے جانا میری بھی دلی خواہش ہے لیکن میں نے وزیر اعظم کی بات مانی۔ اتر پردیش کے وزیراعلیٰ جی نہیں مانتے، بھیڑ کے ساتھ فلسفہ کر رہے ہیں تو ایسے میں کس طرح اتر پردیش کے عوام وزیر اعظم کی بات مانیں؟

Tags
Back to top button
Close

Adblock Detected

Please consider supporting us by disabling your ad blocker