Baseerat Online News Portal

غرب اردن کا اسرائیل سے الحاق عالمی قانون شکنی، قبول نہیں کریں گے:بورس جانسن

آن لائن نیوزڈیسک
برطانوی وزیراعظم بورس جانسن نے مقبوضہ مغربی کنارے کی یہودی کالونیوں کو صہیونی ریاست میں شامل کرنے کے اعلان کی شدید مذمت کی ہے۔ ان کا کہنا ہے کہ غرب اردن پر اسرائیل کی خود مختاری بین الاقوامی قوانین کی کھلی خلاف ورزی ہے۔ برطانیہ اسرائیل کے اس منصوبے کو کسی صورت میں قبول نہیں کرے گا۔عبرانی اخبار یدیعوت احرونوت کی رپورٹ کے مطابق برطانوی وزیراعظم بورس جانس نے ایک اخبار میں شائع ہونے والے اپنے مضمون میں کہا ہےکہ میں پوری امید کرتا ہوں کی اسرائیل غرب اردن کے الحاق کے اعلان سے دست بردار ہوجائے گا۔ اگر اسرائیلی حکومت نے الحاق کے اعلان پرعمل درآمد کردیا تو برطانیہ اسے کسی صورت میں قبول نہیں کرےگا۔ برطانیہ کا سنہ 1967ء کی جنگ میں قبضے میں لیے گئے عرب علاقوں کے بارے میں موقف واضح ہے۔ ان علاقوں کا مستقبل فلسطینیوں اور اسرائیل کے درمیان مذاکرات میں پوشیدہ ہے۔اسرائیل یک طرفہ طور پر فلسطینی علاقوں کے الحاق کے پروگرام پرعمل درآمد نہیں کرسکتا۔ اگر اسرائیل ایسا کرتا ہے تو اسے بین الاقوانی قانون توڑنے مترادف قرار دیا جائے گا۔اپنے مضمون میں بورس جانسن نے لکھا کہ اسرائیل کے ایک دوست کی حیثیت سے میں مشورہ دیتا ہوں کہ تل ابیب فلسطینی علاقوں کے الحاق کے پروگرام پرعمل درآمد نہ کرے۔

You might also like