Baseerat Online News Portal

حج 2020: کوروناوباکے سایے میں 160 ملکوں کے شہریوں نے حج کے لئے دی درخواستیں

آن لائن نیوزڈیسک
سعودی وزارت حج و عمرہ نے اس سال آن لائن حج درخواستوں کی سکروٹنی مکمل کرلی۔ مملکت میں مقیم 160 ممالک کے شہریوں نے درخواستیں پیش کی ہیں۔
سبق ویب سائٹ کے مطابق وزارت حج و عمرہ کا کہنا ہے کہ پیش کردہ درخواستوں میں سے منتخب غیرملکیوں ہی کو حج پر بھیجا جائے گا-
سعودی وزارت حج و عمرہ ان غیرملکیوں کے ناموں کی فہرست جاری کررہی ہے جو اس سال حج کی سعادت حاصل کریں گے۔
العربیہ نیٹ کے مطابق اس سال 70 فیصد حاجی سعودی عرب میں مقیم غیرملکیوں میں سے لیے جائیں گے۔
یاد رہے کہ عازمین سے حج درخواستیں آن لائن لی گئی ہیں- ایس ایم ایس عازم حج کے موبائل نمبر پر بمعہ تعارف بھیجا جائے گا۔
وزارت حج نے اس سے قبل مقیم غیرملکیوں سے کہا تھا کہ جو اس سال حج پر جانا چاہتے ہیں وہ آن لائن لنک کے ذریعے درخواستیں دیں۔
درخواستوں کی منظوری اصولی ہوگی۔ حتمی منظوری کے بعد ہی شمار کیا جائے گا- امیدواروں میں سے وہی حج پر جاسکیں گے جو صحت اور انتظامی ضوابط پر پورے اتریں گے۔
وزارت حج کے مطابق حج کے لیے صرف انہی امیدواروں کا انتخاب ہوگا جو لاعلاج امراض سے پاک ہوں گے۔ جو کورونا وائرس سے پاک ہونے سے متعلق لیباریٹری ٹیسٹ سرٹیفکیٹ پیش کریں گے۔
جنہوں نے پہلے کبھی حج نہیں کیا ہوگا۔جن کی عمریں 20 سے 50 کے درمیان ہوں گی اورجو حج سے قبل اور حج کے بعد قرنطینہ کی پابندی کریں گے۔واضح رہے کہ اس سال سعودی شہریوں میں سے حج پر صرف صحت عملہ اور نئے کورونا وائرس سے شفایاب سیکیورٹی اہلکارہی جاسکیں گے۔ ان کا انتخاب کورونا وائرس سے شفایا ب افراد کے ریکارڈ سے لیا جائے گا۔

You might also like