Baseerat Online News Portal

دہلی میں دسویں اوربارہویں جماعت کے لیے اسکول کھولنے کافیصلہ

نئی دہلی13جنوری(بی این ایس )
دہلی حکومت نے دسویں اوربارہویں جماعت کے لیے اسکول کھولنے کا حکم دیا ہے۔ یہ اسکول 18 جنوری سے کھل جائیں گے۔یہ فیصلہ بورڈامتحانات کی تیاریوں کے پیش نظر لیا گیا ہے۔ حال ہی میں دہلی کے نائب وزیراعلیٰ اوروزیرتعلیم منیش سسودیا نے کہاہے کہ ہم بورڈ امتحان کے پیش نظر اسکول کھولنے پر غور کر رہے ہیں۔اس سلسلے میں وزیر تعلیم منیش سسودیانے ٹویٹ کیا ہے کہ دہلی میں سی بی ایس ای بورڈ کے امتحانات اورپریکٹیکل کو دیکھتے ہوئے ، 18 جنوری سے 10 ، 12 اور 12 ویں کلاس کے لیے اسکول کھولنے کی اجازت دی جارہی ہے۔ بچوں کو صرف والدین کی رضامندی سے ہی بلایاجاسکتاہے۔بچے آنے پر مجبور نہیں ہوں گے۔دہلی میں کورونا وبا کے پیش نظر 16 مارچ 2020 کو کجریوال حکومت نے تمام اسکولوں کو بند رکھنے کا حکم دیا تھا۔ اس کے بعد دارالحکومت کے تمام اسکول بندہیں۔ اگرچہ آن لائن کلاسز چل رہی ہیں۔اب اسکول کھولنے کا حکم کورونا کی رفتار اور کورونا ویکسینیشن کے آغازکے ساتھ ہی جاری کیا گیا ہے۔حکومت پنجاب نے 7 جنوری سے ریاست کے تمام اسکولوں کو دیئے گئے ہیں۔ تمام سرکاری ، نیم سرکاری اور تمام نجی اسکول کھل رہے ہیں۔ اسکولوں کے کھلنے کے اوقات صبح 10 بجے سے شام 3 بجے تک ہیں۔اس وقت 5 سے 12 جماعت کے طلبا کو اسکول جانے کی اجازت ہے۔ گجرات میں بھی 11 جنوری سے ، دسویں اوربارہویں جماعت کے بچے اسکول آرہے ہیں۔

You might also like