Baseerat Online News Portal

متنازعہ بیان پرسنگیت سوم کی صفائی کی کوشش

میرٹھ13جنوری(بی این ایس )
بھارتیہ جنتا پارٹی کے متنازعہ ایم ایل اے سنگیت سوم نے متنازعہ بیان پرہمہ جہتی حملے کے بعد وضاحت پیش کی ہے۔ سنگیت سوم نے کہا تھا کہ اگر مسلمان ملک پر اعتماد نہیں کرتے ہیں تو انہیں پاکستان جانا چاہیے۔ سنگیت سوم اس بیان پر پھنس گئے۔جب سوشل میڈیا پر حملہ ہوا تو سنگیت سوم نے اپنا بیان واضح کیا۔ انہوں نے کہاہے کہ اس کا مطلب یہ نہیں ہے۔سنگیت سوم نے کہا ہے کہ میں نے کہا تھا کہ اگر لوگ اپنے سائنسدانوں ، حکومت ، وزیر اعظم ، فوج اور پولیس پر اعتماد نہیں کرتے ہیں تواس کا مطلب یہ ہے کہ انہیں اپنے ملک پر اعتماد نہیں ہے۔ لہٰذاوہ جہاں چاہتے ہیں وہاں جائیں۔ اگر انہیں پاکستان پر اعتمادہے تو انہیں وہاں جاناچاہیے۔ میں نے جو کہا اس میں کیا حرج ہے؟ ‘بھارتیہ جنتا پارٹی (بی جے پی) کے ایم ایل اے سنگیت سوم نے چنداسی میں نامہ نگاروں سے کہا تھا کہ بدقسمتی سے کچھ مسلمان ملک پر اعتماد نہیں کرتے ، سائنسدانوں ، پولیس اور ملک کے وزیر اعظم پراعتماد نہیں کرتے ہیں۔اگر وہ پاکستان کوچاہتے ہیں توانہیں پاکستان جانا چاہیے لیکن سائنس دانوں پر شک نہ کریں۔

You might also like