Baseerat Online News Portal

’دل سے معاف نہیں کرپائوں گا‘والی تنبیہ بے اثر،پرگیہ ٹھاکرکا ’گوڈسے پریم‘ پھرچھلکا

گوالیار13جنوری(بی این ایس )
مدھیہ پردیش کے گوالیارمیں گوڈسے کی ’گیان شالہ ‘کے افتتاح کے حوالے سے سیاسی بیان بازی جاری ہے۔نوبھارت ٹائمزکے مطابق جبکہ کانگریس کے سینئر لیڈر دگ وجے سنگھ نے ناتھورام گوڈسے کوملک کا پہلا دہشت گرد قرار دیا، اس کے جواب میں بھوپال کی رکن پارلیمنٹ پرگیہ ٹھاکر نے پھر وہی متنازعہ بیان دیا جس پر2019 کے لوک سبھا انتخابات کے دوران وزیراعظم نے سخت ناراضگی کااظہارکیاتھااورکہاتھاکہ وہ دل سے کبھی معاف نہیں کرپائیں گے۔اب سوال یہ ہے کہ کیااس باربھی معافی تلافی اوراوپرکے بیان سے کام چلے گا؟ سادھوی پرگیہ نے کہا ہے کہ کانگریس ہمیشہ محب وطن لوگوں کی توہین کرتی ہے۔ آپ کویاددلائیں کہ لوک سبھا انتخابات 2019 کی مہم کے دوران سادھوی پرگیہ نے گوڈسے کو محب وطن قرار دیاتھاجس کے بارے میں انہیں بعد میں معافی مانگنا پڑی۔ یہاں تک کہ وزیر اعظم نریندر مودی نے کہاہے کہ وہ اس بیان پر انہیں کبھی معاف نہیں کریں گے۔

You might also like