Baseerat Online News Portal

ہریانہ حکومت بچانے کی کوشش ،دشینت چوٹالہ نے اب مودی سے ملاقات کی

نئی دہلی13جنوری(بی این ایس )
مرکزی حکومت کے زرعی قوانین کے خلاف احتجاج میں گذشتہ چھ ہفتوں سے جاری مظاہرے کے دوران ہریانہ کے نائب وزیراعلیٰ دشینت چوٹالہ نے وزیر اعظم نریندر مودی سے ملاقات کی۔ ملاقات کے دوران دونوں کے مابین کسانوں کی تحریک کے بارے میں تبادلہ خیال ہوا۔ منگل کو چوٹالہ نے وزیر داخلہ امیت شاہ سے ملاقات کی ہے۔دشینت چوٹالہ پھنسے ہوئے ہیں۔ایک طرف کسانوں کی وجہ سے ان کی پارٹی میں ٹوٹ ہورہی ہے دوسری طرف کرپشن کاالزام جھیل رہے ان کے خاندان کوبھی بچاناہے۔ایسے میں سرکارپربھی بحران ہے۔چوٹالہ ہریانہ میں بی جے پی حکومت میں اتحادی پارٹنر جن نائیک جنتا پارٹی (جے جے پی) کے رہنماہیں۔ یہ خیال کیا جاتا ہے کہ جے جے پی کے کچھ ایم ایل اے پر احتجاج کرنے والے کسانوں کا دباؤ ہے۔مودی اوردشنیت کے مابین تقریباََایک گھنٹے تک بات چیت ہوئی۔ خیال کیا جاتا ہے کہ اس دوران کسانوں کی تحریک کے بارے میں دونوں کے مابین تبادلہ خیال ہوا۔ اس سے قبل ہریانہ میں سات مقامات پر حال ہی میں ہونے والے شہری انتخابات میں بی جے پی اور جے جے پی کو دھچکا لگا تھا۔

You might also like