Baseerat Online News Portal

پٹرول کی شرح میں اضافے کاسلسلہ جاری

نئی دہلی13جنوری(بی این ایس )
قومی دارالحکومت میں پٹرول کی قیمت 84.45 روپے فی لیٹر کی نئی بلند ترین سطح پر پہنچ گئی ہے۔ پبلک سیکٹر کی پٹرولیم کمپنیوں نے بدھ کے روز پانچ دن کے بعد ایک بار پھر ایندھن کی قیمتوں میں اضافہ کیا۔پٹرولیم مارکیٹنگ کمپنیوں کی قیمتوں کے نوٹیفکیشن کے مطابق پیٹرول اور ڈیزل دونوں کی قیمتوں میں 25-25 پیسے فی لیٹر کااضافہ کیاگیا ہے۔ دہلی میں اب پیٹرول کو 84.45 روپے فی لیٹر اور ڈیزل کو 74.63 روپے فی لیٹر کردیا گیا ہے۔ممبئی میں پٹرول کی قیمت 91.07 روپے فی لیٹراور ڈیزل 81.34 روپے فی لیٹر ہوگئی ہے۔دہلی میں اب پٹرول کی قیمتیں سب سے اونچی ہیں۔ اسی دوران ممبئی میں ڈیزل کی قیمت ریکارڈ سطح پرپہنچ گئی ہے۔پٹرول کی قیمت میں مسلسل دو دن 49 پیسے فی لیٹر اور ڈیزل میں 51 پیسے فی لیٹر کا اضافہ ہواہے۔مسلسل سات دن تک عالمی سطح پر خام تیل کی قیمتوں میں اضافے کے بعد گاڑیوں کے ایندھن کی قیمتوں میں اضافے کا سلسلہ دوبارہ شروع ہوا ہے۔

You might also like