Baseerat Online News Portal

کابینہ نے ہندوستان اورمتحدہ عرب امارات کے درمیان مفاہمت نامے کو منظوری دی

نئی دہلی 13جنوری(بی این ایس )
وزیراعظم نریندر مودی کے زیر قیادت مرکزی کابینہ نے سائنسی تکنیکی تعاون سے متعلق مفاہمت نامے کو منظوری دے دی ہے جو موسمیات کے قومی مرکز( این سی ایم)، متحدہ عرب امارات (یو اے ای) اور ہندوستان کی اراضی سائنسز کی وزارت(ایم او ای ایس) کے درمیان طے پایا ہے۔مفاہمت نامہ معلومات ، اعداد وشمار اور موسمیات ،زلزلے سے متعلق اور سمندری خدمات کے لیے آپریشن جاتی مصنوعات ساجھا کرنے کی راہ ہموار کرے گا جس میں راڈار، سیٹلائٹ، لہروں کو ناپنے کاآلہ اورزلزلے اور موسمیات کے اسٹیشن شامل ہیں۔تحقیق ،تربیت، صلاح و مشورے، موسمیات کی معلوماتی خدمات پر توجہ مرکوزکرنے، سمندری طوفانوں کی پیشگوئی کے لیے سیٹیلائٹ کے اعداد وشمار کو استعمال کرنے کے مقصد سے سائنسدانوں،تحقیق کاروں اور ماہرین کے ذمے تجربے اور دوروں کاتبادلہ، مفاد عامہ کی سرگرمیوں سے متعلق سائنسی اور تکنیکی معلومات کاتبادلہ،مفاہمت نامہ میں بیان کردہ نیز دونوں ممالک کے مفاد میں تعاون کے شعبے سے تعلق رکھنے والے متعلقہ مسائل پر باہمی سائنسی اور تکنیکی سیمینار، ورک شاپ، کانفرنسوں اور تربیتی کیمپوں کا انعقاد کرنا، تعاون کے دیگر شعبے جو کہ فریقین کے ذریعہ باہمی طور پر اتفاق رائے سے طے کیے جائیں،سمندری پانی پر باہمی سمجھوتے سے متعلق موسمیاتی مشاہداتی نیٹ ورک کی تنصیب، ہندوستان اور شمال مشرقی متحدہ عرب امارات کے ساحلی علاقوں کو متاثر کرنے والے سنامی کی تحقیق کے لیے عمان کے سمندر اور بحرعرب کے ذریعہ پیدا ہونے والے سنامی کی تیز تر اور زیادہ قابل بھروسہ پیشگوئی کے لئے خصوصی صلاحیت والے سنامی ماڈل کو تیار کرنے میں تعاون کرنا، پیشگوئی کے ماڈلنگ کے سافٹ ویئر کی شکل میں سنامی کی پہلے سے وارننگ کے مرکز(ٹی ای ڈبلیو سی) کو مدد دینے میں تعاون جسے خصوصی طور پر سنامی کی پیشگوئی کی کارروائیوں کو حمایت فراہم کرنے کے لیے ڈیزائن کیا گیا ہے،زلزلے سے متعلق ان سرگرمیوں کی نگرانی کے لئے ہندوستان کے جنوب اور مغرب اور یو اے ای کے جنوب میں واقع زلزلے سے متعلق اسٹیشنوں میں سے کچھ کے زلزلے سے متعلق ریئل ٹائم اعداد وشمار کو ساجھا کرنا جن کے باعث بحر عرب اوربحر عمان میں سنامی آسکتی ہے۔زلزلے سے متعلق سائنس کے شعبے میں تعاون کردہ جس میں زلزلے سے متعلق ان سرگرمیوں کا مطالعہ شامل ہیں جو بحرہ عرب میں سنامی کی لہریں پیدا کرنے کی صلاحیت رکھتی ہے۔

You might also like