Baseerat Online News Portal

نقل مکانی کرانے والوں کاخودہی نقل مکانی ہوگیا:امت شاہ

کیرانہ(ایجنسی)
بی جے پی کے کئی بڑے لیڈر ہفتہ کو مغربی اتر پردیش میں مصروف تھے۔مرکزی وزیر داخلہ امت شاہ نے مشہور علاقہ کیرانہ میں ڈور ٹوڈور مہم چلائی، جبکہ بی جے پی کے قومی صدر جے پی نڈا نے بجنور، نگینہ میں بی جے پی عہدیداروں سے ملاقات کی۔ چیف منسٹر یوگی آدتیہ ناتھ بھی مغربی اتر پردیش کے دورے پر تھے۔ وزیر اعلیٰ علی گڑھ اور بلند شہر پہنچے۔
بی جے پی نے کیرانہ سے سابق ایم پی حکم سنگھ کی بیٹی مرگانکا سنگھ کو میدان میں اتارا ہے۔ حکم سنگھ اس سیٹ سے کئی بار ایم ایل اے رہ چکے ہیں۔
امت شاہ نے کہا کہ جب وہ ایس پی کے دور حکومت میں کیرانہ سے نقل مکانی کرنے والوں سے ملاقات کی تو انہوں نے بتایا کہ یوگی آدتیہ ناتھ نے قانون کو بہتر بنایا اورآج نقل مکانی کرانے والوں کا خود نقل مکانی ہوگیاہے۔
مغربی اتر پردیش میں پہلے مرحلے میں 10 فروری کو پولنگ ہوگی۔ یہی وجہ ہے کہ تمام سیاسی جماعتوں کے سینئر لیڈروں نے یہاں پارٹی کے لیے طاقت جھونکنی شروع کر دی ہے۔
مغربی اتر پردیش بی جے پی کے لیے سیاسی طور پر بہت زرخیز خطہ رہا ہے۔ پچھلے تین انتخابات میں پارٹی کو یہاں زبردست جیت ملی تھی، لیکن کسانوں کے احتجاج اور ایک سال تک چلے ایس پی-آر ایل ڈی اتحاد کی وجہ سے اس بار اس کے سامنے مزید چیلنجز ہیں۔

You might also like