مسلم دنیا

سعودی عرب کے ولی عہدمحمدبن سلمان ابوظہبی کے دورے پر

واشنگٹن:25؍نومبر(بی این ایس)
سعودی عرب کے ولی عہد شہزادہ محمد بن سلمان نے جمعرات سے اپنے دورہٴ متحدہ عرب امارات کا آغاز کیا۔ ابوظہبی آمد پر ولی عہد شہزادہ محمد بن زائد نے اُن کا استقبال کیا۔جب سے سعودی صحافی جمال خشوگی کی ہلاکت ہوئی ہے اُنھیں بین الاقوامی دباؤ کا سامنا رہا ہے، اور یہ اُن کا پہلا بیرونی دورہ ہے۔
ولی عہد سعودیہ کے قریب ترین اتحادی، متحدہ عرب امارات کا دورہ کر رہے ہیں۔
ابو ظہبی کے سرکاری تحویل میں کام کرنے والے خبر رساں ادارے نے جمعے کے روز خبر دی ہے کہ دونوں نے ’’برادرانہ اور حکمت عملی کے حامل تعلقات‘‘ پر بات چیت کی۔
دونوں ملک سال 2015 سے یمن میں شیعہ حوثی باغیوں کے خلاف لڑائی لڑ رہے ہیں، اور توقع ہے کہ آئندہ ماہ اقوام متحدہ کی قیادت میں سویڈن میں منعقد ہونے والی امن بات چیت میں شرکت کریں گے۔
حالیہ دورے کے دوران، ولی عہد بحرین اور مصر کا دورہ بھی کرنے والے ہیں، جس کے بعد وہ 30 نومبر کو ارجنٹینا میں منعقد ہونے والے ’گروپ آف 20‘ کے دور روزہ سربراہ اجلاس میں عالمی سربراہان کے ساتھ بالمشافہ ملاقات کریں گے۔

Tags

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button
Close

Adblock Detected

Please consider supporting us by disabling your ad blocker