ہندوستان

وفاق المدارس الاسلامیہ کی مجلس عاملہ کی میٹنگ۲۳؍ دسمبر کو

پھلواری شریف :یکم دسمبر(پریس ریلیز)
وفاق المدارس الاسلامیہ امارت شرعیہ؛ جس سے بہار ،اڈیشہ، جھارکھنڈ اور مغربی بنگال کے دو سو چھہتر مدارس ملحق ہیں، اور جن کا نصاب تعلیم ، نظام تعلیم اور نظام امتحان ایک ہے ، اس کی مجلس عاملہ کی میٹنگ مورخہ۲۵؍ربیع الثانی۱۴۴۱ھ مطابق ۲۳؍دسمبر۲۰۱۹ء روزسوموار، بوقت دس بجے دن میٹنگ روم مرکز ی دفتر امارت شرعیہ پھلواری شریف پٹنہ میں رکھی گئی ہے ،ناظم وفاق المدارس الاسلامیہ مفتی محمد ثناء الہدیٰ قاسمی نائب ناظم امارت شرعیہ نے فرمایا کہ امیر شریعت مفکر اسلام حضرت مولانامحمد ولی رحمانی صاحب دامت برکاتہم کی صدارت میں منعقدہونے والی اس میٹنگ میں وفاق المدارس الاسلامیہ کی کارکردگی کا تفصیلی جائزہ لیا جائے گا، اور پورے نظام کو مزید مستحکم اور مضبوط کرنے کے لیے اہم فیصلے لیے جائیں گے، مدارس میں معیار تعلیم کو مزید بہتر بنانے کے منصوبے بھی زیر غور آئیں گے ، انہوں نے کہا کہ اس سلسلے میں اراکین کے نام دعوت نامے ارسال کیے جا چکے ہیں ، فون سے بھی رابطہ قائم کیا جارہا ہے ، اس کے باوجود اگر کسی وجہ سے کسی رکن سے ہمارا رابطہ نہ ہو سکے تو اس بیان کو کافی سمجھ کر ضرور تشریف لائیں ، اور وقت کی پابندی کا خیال رکھیں ، یہ اطلاع مولانامحمد سعید کریمی رفیق وفاق المدارس الاسلامیہ نے دی ہے ۔

Tags

Sajid Qasmi

غفران ساجد قاسمی تعلیمی لیاقت : فاضل دارالعلوم دیوبند بانی چیف ایڈیٹر بصیرت آن لائن بانی چیف ایڈیٹر ہفت روزہ ملی بصیرت ممبئی بانی و صدر رابطہ صحافت اسلامی ہند بانی و صدر بصیرت فاؤنڈیشن

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button
Close

Adblock Detected

Please consider supporting us by disabling your ad blocker