Baseerat Online News Portal

لالو پرساد یادو کی ضمانت کی درخواست خارج

 

رانچی۔۶؍دسمبر: چارہ گھوٹالہ کیس میں جیل کی سزا بھگتنے والے بہار کے سابق وزیراعلیٰ لالوپرساد یادو کی ضمانت کی درخواست کو جھارکھنڈ ہائی کورٹ نے آج مسترد کردیا۔ یہ معاملہ دمکا کے خزانے سے ملنے والی رقم کے غبن سے متعلق تھا۔ اس معاملے میں ، جسٹس اپریش کمار سنگھ کے بنچ نے آج سماعت مکمل کی اور لالو یادو کی ضمانت کی درخواست کو اس بنیاد پر خارج کردیا کہ انہوں نے سی بی آئی عدالت کے ذریعہ سزا دی جانے والی آدھی مدت ابھی تک پوری نہیں کی ہے۔سی بی آئی عدالت نے اس معاملے میں لالو کو ہندوستانی تعزیراتی ضابطہ (آئی پی سی) اور روک تھام بدعنوانی ایکٹ (پی سی ایکٹ) کے تحت سات سال قیدکی سزاسنائی ہے۔ اس طرح لالو یادو کو اس معاملے میں کل چودہ سال کی سزا سنائی گئی ہے۔ اس کیس کی آخری دو تاریخوں سے ہائی کورٹ میں سماعت نہیں ہو رہی تھی۔ اس سے قبل لالو یادوکی درخواست ضمانت پر سماعت 22 نومبر اور پھر 29 نومبر کوہونی تھی۔

You might also like