لوگ کیا کہیں گے۔ایک سماجی روگ۔۔۔

احمدنادرالقاسمی۔٣٠ دسمبر ٢٠٢١۔یوم الخمیس۔
ہمارے سماج میں ایک روگ پایاجاتاہے ۔جس کی وجہ سے ہماری سماجی زندگی میں بےشمارپریشانیاں اور مشکلات جنم لیتی ہیں ۔وہ یہ ہے کہ ہم بہت سے غیر ضروری ۔بلکہ غیر شرعی کام اپنے گھروں میں محض اس خوف سےکرتے ہیں کہ اگر ہم نے یہ نہیں کیا تو”لوگ اورعزیزورشتہ دارکیاکہیں گے“۔
کیونکہ ایساہوتا چلاآرہاہے۔آپ اس کو سماجی بندھن کہیں یااپنے آبا ٕواجداد کےرسومات کی پیروی۔۔اوریہ کوٸی نٸی چیزنہیں ہے۔بلکہ دنیاکے تاریک دورمیں بھی ایساہی ہواکرتاتھا۔چاہے وہ مذھبی معاملہ ہو یاسماجی۔اقوام ماضی کی انھیں سرشت کی طرف اشارہ کرتےہوٸے قران کریم کی ان آیات میں واضح کیاگیاہے:
”اذاقیل لھم اتبعوا ماأنزل اللہ قالوا بل نتبع ماوجدناعلیہ آبا ٸنا ولوکان الشیطان یدعوھم الی عذاب السعیر“(سورہ لقمان ٢١)
(اورجب ان سے کہاجاتاہے کہ اللہ کی اتاری ہوٸی وحی کی تابعداری کروتوکہتے ہیں کہ ہم نے توجس طریق پراپنے باپ دادوں کوپایاہے اسی کی تابعداری کریں گے اگرچہ شیطان ان کے بڑوں کو دورخ کے عذاب کی طرف بلاتاہو)۔
اسی طرح سورہ ”شعرا ٕ“ میں ارشاد ربانی ہے:
”قالوا بل وجدنا آبا ٸنا کذلک یفعلون“(شعرا ٕ۔٧٤)
(انھوں نے کہا یہ ہم کچھ نہیں جانتے ہم نے تو اپنے باپ دادوں کو اسی طرح کرتے پایاہے)۔
اسی طرح” سورہ ماٸدہ“ آیت نمبر ١٠٤ میں اللہ تعالی ارشاد ہے :”واذاقیل لھم تعالوا الی ماأنزل اللہ،والی الرسول قالوا حسبنا ماوجدنا علیہ آباٸنا۔أولوکان آباٶھم لایعلمون شیٸا ولایھتدون“
(اورجب ان سے کہاجاتاہے کہ اللہ تعالی نےجواحکام نازل فرماۓ ہیں ان کی طرف اوررسول کی طرف رجوع کرو تو کہتے ہیں کہ ہم کووہی کافی ہے جس پر ہم نے اپنے باپ دادوں کو پایا ہے ۔کیا اگرچہ ان کے بڑے نہ توکچھ سمجھ رکھتے ہوں اورنہ ہدایت رکھتے ہوں )۔
آج ہماری زندگی میں رسومات اورسماجی بندشوں کی پیروی کا یہ عالم ہے کہ ۔ہمارے گھر کوٸی بچہ پیداہوتواپنے اوپر جبر کرکےمیٹھاٸی تقسیم کرتے ہیں کہ نہ کیا تو لوگ کیاکہیں گے ۔بچہ کا عقیقہ نہ کیا تو لوگ کیاکہیں گے۔شادی کے موقعہ پر بیٹے کا ولیمہ نہ کیا تو لوگ کیاکہیں گے ۔بیٹی کے نکاح کے وقت لوگوں اورعزیزوں کو نہ بلایاتو لوگ کیاکہیں گے۔گھرمیں کوٸی مہمان آیا اوراسے مرغ وماہی نہ کھلایاتو مہمان کیاسوچیں گے۔۔اگربیٹے کی بارات نہ لےکرگٸے تو لوگ کیاکہیں گے۔۔بارات میں آنے والے لوگوں کو انواع واقسام کے لذیذ کھانے نہ کھلاٸیں گے تو لوگ کیاکھیں گے۔ بیٹی کوجہیز نہ دیاتو سسرال والے اورلوگ کیاکہیں گے؟۔اگرچہ اس کے لٸے ۔زمین ہی کیوں نہ بیچنی پڑے۔ یا مشقت اٹھاکر قرض ۔بلکہ سودتک پر پیسہ ہی کیوں نہ لیناپڑے ۔یہ صورت حال ہے ہمارے سماج کی۔ہمیں لوگ کیاکہیں کی فکر ہے۔مگر اللہ ورسول کے احکام اورہدایات کی کوٸی پرواہ نہیں ہے۔
۔توجب تک ہم اس ”لوگ کیا کہیں گے“ کی قید اوربندھن سے سماج کوباہرنہیں لاٸیں گے ۔معاشرے کو تنگی اورمشقت سے نہیں نکال سکتے۔۔اسی طرح اس گرداب میں الجھے رہیں گے جس طرح ماضی کی اقوام ”قالوا وجدناعلیہ آباٸنا“ کہ کر الجھی ہوٸی تھی۔ اوراپنی اصلاح نہ کرسکی۔اوربالآخر دنیاوآخرت کی ناکامیوں کے ساتھ زمین کالقمہ بنی۔
۔ہمیں اپنے گھر کو ۔سماج کو۔انسانیت کواور عزیزواقارب کو اس مصیبت اورناسور سے نکالنا اوران کی اصلاح کرنی ہے ۔اس کے لٸے ہمیں یقیناقربانی دینی ہوگی اوراس بھندے سے نکلناہوگا کہ لوکیاکہیں گے۔۔اس بھول بھلیٸے سے باہر آٸیے۔اوراپنی سماجی زندگی حقیقی ڈگر پہ لاٸیے۔
اللہ ہماری۔ہمارے گھر کی اورسماج کی اصلاح فرماٸے ۔اوردین متین کی سادہ اورقیمتی ہدایات کو اپنانے کی توفیق عطافرماٸے۔آمین