ہر طرف نور جلوہ نما دیکھئے

شہناز عِفّت ممبئی

ہر طرف نور جلوہ نما دیکھئے
آپ بھی چل کے طیبہ ذرا دیکھئے

طہ یسین اور خاتم الانیباء
رب نے کیا کیا لقب ہے دیا دیکھئے

کیا بیاں ہو بھلا عظمت مصطفےٰﷺ
مدح کرتا ہے خود کبریا دیکھئے

چاند ٹکڑے کیا ایک انگشت سے
یہ نبی کا مرے معجزہ دیکھئے

دست سرکار بطحا میں اے مومنو
کنکری نے بھی کلمہ پڑھا دیکھئے

اللہ اللہ مقام شہ ء انبیاء
چرخ بھی بن گیا راستہ دیکھئے

مصطفےٰ آئے تو دین روشن ہوا
ہر اندھیرا مٹا کفر کا دیکھئے

کوئی مونس نہیں کوئی ہمدم نہیں
آپ ہی کا ہے بس آسرا دیکھئے

اس گہنگار عفت کی جانب کبھی
اک نظر اے شفیع الوریٰ دیکھئے

شہناز عِفّت
ممبئی