مالک الملک ہے تو ہی ہے کبریا

حمد باری

شہناز عِفّتؔ ممبئی

اے خدا اےخدا اےخدا اےخدا

مالک الملک ہے تو ہی ہے کبریا

تیری نعمت کے محتاج ہیں ہم سدا

ہم فقیروں پہ نظر کرم کر ذرا

ساری مخلوق اور یہ زمیں آسماں

سب ترے حکم کے تابع ہیں اے خدا

تو ہے غفار و قادر , رحیم و غفور

تری رحمت کا ہم کوسدا آسرا

ہم ہیں پاپی زمانے کے راندھے ہوئیے

کون ہے جز ترے اپنا حامی بھلا

تیرگی ہر طرف چھائی ہے جہل کی

کفر سے لڑ سکوں مجھ کو دے حوصلہ

راہِ حق پہ چلے  عِفّتؔ ناتواں

کر رہی ہے دعا دل سے صبح و مسا