مسجد اقصیٰ میں نیم برہنہ صہیونیوں کے گشت پرفلسطین میں شدید غم وغصہ

آن لائن نیوزڈیسک
اسرائیل میں سوشل میڈیا پرکچھ صہیونی عورتوں کے مسجد اقصیٰ پر دھاووں کے دوران نامناسب لباس میں لی گئی تصاویر پوسٹ کیے جانے پر فلسطینی عوامی اور مذہب حلقوں میں شدید غم وغصے کی لہر دوڑ گئی ہے۔فلسطینی مذہبی حلقوں نے مسجد اقصیٰ میں ناپاک صہیونی خواتین کی اس گھٹیا حرکت کی شدید مذمت کرتے ہوئے اسے مسلمانوں کے قبلہ اول کی بے حرمتی کی سوچی سمجھی کوشش قرار دیا ہے۔فلسطین میں قومی اور اسلامی فورسز کی فالو اپ کمیٹی نے اس بے حرمتی کی مذمت کرتے ہوئے اس بات پر زور دیا کہ یہ "ایک خطرناک مثال ہے جو مسجد اقصیٰ مبارمیں دیکھی گئی ہے۔فالو اپ کمیٹی نے ایک بیان میں اس بات کی تصدیق کی ہے کہ سخت خلاف ورزی رولنگ اقدامات کے فریم ورک کے اندر آتی ہے جس کا مقصد مسجد اقصیٰ کی تقسیم آگے بڑھانے کے ساتھ ساتھ اس مقدس مقام کے تقدس کو پامال کرنا ہے۔فلسطین کے سرکردہ عالم دین علامہ الشیخ عکرمہ صبری نے صہیونی عورتوں کے مسجد اقصیٰ میں نیم برہنہ گشت کو فلسطینیوں اور پوری مسلم امہ کے جذبات کو ٹھیس پہنچانے کی کوشش قرار دیا۔صبری نے کہا کہ ان تصاویر سے صاف ظاہرہوتاہے کہ یہ گروہ مسجد اقصیٰ میں عبادت کی غرض سے نہیں بلکہ مسلمانوں کے خلاف اشتعال پھیلانے اور ان کے مذہبی جذبات کو ٹھیس پہنچانے کے لیے آیا تھا۔القدس شہر میں حماس رہ نما محمد حمادہ نے صہیونی خواتین کے اس شرمناک اقدام کی شدید مذمت کرتے ہوئے اسے مقدس مقام میں داخلے کے لیے لباس کے ضوابط کی کھلی خلاف ورزی قرار دیا۔خیال رہے کہ گذشتہ روز سماجی رابطوں کے پلیٹ فارم انسٹا گرام پرکچھ اسرائیلی خواتین نے ایسی نا مناسب تصاویر پوسٹ کی تھیں جنہں مسجد اقصیٰ میں لیا گیا تھا۔ ان تصاویر میں خواتین کو نا مناسب اورغیراخلاقی لباس میں دیکھا گیا ہے۔