مجھے ہر روز 2-3 کلو گالی ملتی ہے جومجھے طاقت بخشتی ہے:وزیراعظم مودی

نئی دہلی(ایجنسی) وزیر اعظم نریندر مودی نے آج تلنگانہ میں ریاست کے وزیر اعلی کے چندر شیکھر راؤ کا نام لیے بغیر ان پر نشانہ لگایا۔ پی ایم مودی نے چیف منسٹر کے چندر شیکھر راؤ پر بدعنوانی اور خاندانی سیاست کا الزام لگایا۔ انہوں نے کہا کہ ریاست کو عوام کی ضرورت ہے، خاندان کی نہیں۔ پی ایم نے کے سی آر کے "توہمات” پر بھی تنقید کی اور کہا کہ یہ سماجی انصاف میں سب سے بڑی رکاوٹ بن رہی ہے۔
اس کے ساتھ، پی ایم نے کہا کہ اپوزیشن جماعتیں اتحاد بنانے کی کوشش کر رہی ہیں کیونکہ انہیں ایجنسیوں کے ذریعے ان کے خلاف بدعنوانی کی تحقیقات کا خدشہ ہے۔ ریاست میں بڑے پیمانے پر بدعنوانی کا الزام لگاتے ہوئے پی ایم مودی نے کہا کہ ان کی حکومت کے ڈیجیٹل لین دین اور آن لائن ادائیگیوں پر زور دینے سے بدعنوانی میں نمایاں کمی آئی ہے کیونکہ اس طرح کے لین دین کو ٹریک کیا جا سکتا ہے۔
انہوں نے کہا، "جن دھن، آدھار اور موبائل کی سہ رخی طاقت کے ذریعے، ہم تمام فرضی لوگوں کو ہٹانے میں کامیاب ہیں، غریبوں کو براہ راست ان کے کھاتوں میں پیسہ مل رہا ہے۔ پہلے تو غریبوں کے پیسے اور راشن کودھوکے سے لوٹ لیاجاتاتھا۔ انہوں نے مزید کہا کہ بہت سے لوگ ان سے پوچھتے ہیں کہ وہ تھکتے کیوں نہیں۔ میں جواب دیتاہوں کہ میں نہیں تھکتا کیونکہ میں ہر روز 2-3کلو گالی کھاتا ہوں… خدا نے مجھے ایسابنایاہے کہ یہی گالی مجھے تقویت بخشتی ہے۔
اس دوران پی ایم نے یہ بھی کہا کہ مجھے گالی دو، بی جے پی کو گالی دو، لیکن اگر آپ تلنگانہ کے لوگوں کو گالی دیتے ہیں تو آپ کو اس کی بھاری قیمت چکانی پڑے گی۔ انہوں نے کہا کہ ریاست میں مرکز کے ترقیاتی منصوبوں میں جان بوجھ کر رکاوٹ ڈالنے کا کام کیا جا رہا ہے۔