مظفرپور: زیورات چوری کرکے بھاگنے والے بابا کو لوگوں نے پکڑا، جوتوں اورچپلوں سے کی پٹائی

مظفر پور(ایجنسی) بہار کے مظفر پور میں ایک بابا کو زیورات چرانے کے الزام میں بری طرح زدوکوب کیا گیا، جس میں وہ شدید زخمی ہوگیا۔ لوگوں نے بابا کو چپلوں اور جوتوں سے مارا اور لاتیں اور گھونسے مارے۔ اس کے بعد اسے ایک درخت سے باندھ دیا گیا۔ مشتعل ہجوم نے اسے مارا پیٹا یہاں تک کہ وہ بے ہوش ہوگیا۔ یہ معاملہ احیا پور تھانہ علاقہ کے شہباز پور کا ہے، جہاں بابا کے بھیس میں پہنچنے والے بدمعاش کو لوگوں نے پکڑ لیا اور اس کی زبردست پٹائی کی۔
اہل علاقہ نے بتایا کہ محلے میں دو بابا آئے تھے۔ موقع دیکھ کر ان میں سے ایک بابا گھر میں گھس آیا اور عورت کے زیورات لے کر بھاگنے لگا۔ اسی دوران خاتون کو اس بات کا اشارہ مل گیا اور وہ شور مچانے لگی۔ شور سن کر لوگ جمع ہو گئے۔ لوگوں کو دیکھ کر بابا بنے نوجوان نے بھاگنے کی کوشش کی۔ ایک بابا کو لوگوں نے پکڑ لیا جبکہ دوسرا فرار ہونے میں کامیاب ہو گیا۔ لوگ محلے میں پہنچ کر پکڑے گئے بابا کو چپلوں سے مارتے رہے اور دیگر لوگوں نے اس کی زبردست پٹائی کی۔ اس سے خاتون کے زیورات برآمد ہوئے۔ مار پیٹ میں بابا شدید زخمی ہوگیا۔ پوچھنے پر بابا نے خود کو یوپی کا رہنے والا بتایا۔ تاہم اس معاملے میں کسی فریق نے تھانے میں شکایت درج نہیں کرائی ہے۔