دربھنگہ بلدیاتی انتخابات کے لیے آج پولنگ

دربھنگہ۔ ۲۷؍ دسمبر(محمد رفیع ساگر) بہار کے ضلع مجسٹریٹ دربھنگہ کے دفتر میں پیر کو ضلع الیکشن آفیسر کم ڈسٹرکٹ مجسٹریٹ راجیو روشن اور سینئر سپرنٹنڈنٹ آف پولیس اوکاش کمار کی مشترکہ صدارت میں دوسرے مرحلے کے بلدیاتی انتخابات کی تیاریوں کے سلسلے میں ایک پریس بریفنگ کا اہتمام کیا گیا۔ بلدیاتی انتخابات کے بارے میں نامہ نگاروں سے بات کرتے ہوئے ضلع مجسٹریٹ نے کہا کہ 28 دسمبر کو صبح 7:00 بجے سے شام 5:00 بجے تک دربھنگہ میونسپل کارپوریشن کے 266 پولنگ اسٹیشنوں، نگر پنچایت سنگھواڑا کے 17 پولنگ اسٹیشنوں پر پولنگ ہوگی۔ وہیں نگر پنچایت بھرواڑا کے 15، کل 298 پولنگ اسٹیشنوں پر بھی ووٹنگ ہوگی، جن میں خواتین کے پانچ پولنگ اسٹیشن اور چار ماڈل پولنگ اسٹیشن شامل ہیں۔دربھنگہ میونسپل کارپوریشن کے علاقوں کے لیے 96 سیکٹر، 24 ای وی ایم کلسٹر، چار زونل مجسٹریٹ، دو سپر زونل مجسٹریٹ، نگر پنچایت سنگھواڑا کے لیے 5 سیکٹر افسران، تین ای وی ایم کلسٹر، ایک زونل مجسٹریٹ، نگر پنچایت بھرواڑہ کے لیے 5 سیکٹر افسران، تین ای وی ایم، ایک ای وی ایم۔ سنگھواڑا اور بھرواڑا کے لیے زونل مجسٹریٹ اور ایک سپر زونل مجسٹریٹ بنایا گیا ہے۔اس طرح کل 106 سیکٹر آفیسر، 30 ای وی ایم کلسٹر، 06 زونل مجسٹریٹ اور تین سوپر زونل مجسٹریٹ بنائے گئے ہیں۔ماسٹر ٹرینر اور (QRT) رسپانس ٹیم۔ افسر کے ساتھ تعینات کیا گیا ہے۔