محمد عظیم انصاری مومن انصار سبھا کے شہر صدر منتخب

بارہ بنکی(ابوشحمہ انصاری)مومن انصار سبھا کے قومی صدر محمد اکرم انصاری نے قطب پور،ڈالی گنج،لکھنٶ کے محمد عظیم انصاری کو تنظیم کا شہر صدر مقرر کیا ہے ۔ محمد اکرم انصاری نے پریس اعلانیہ بیان میں کیا ہے۔قومی صدر محمد اکرم انصاری نے کہا کہ تنظیم کافی عرصہ سے ملک کی قدیمی تہذیب کو سمیٹ کر ملک میں قومی یکجہتی باہمی اتحاد اور فرقہ وارانہ ہم آہنگی کو فروغ دینے کے لئے سرگرم عمل ہے۔

اکرم انصاری نے اپنے بیان میں کہا کہ آزادی کے 76 برسوں میں ملک نے سائنس اور کمپیوٹر سے لے کر خلا تک کئی بلندیوں کو چھو لیا، لیکن اپنی گنگا جمنی ثقافت کی جڑیں نہیں چھوڑیں۔ تمام مذاہب کا احترام کرتے ہوئے ہندوستانی ثقافت کو شامل کرکے آگے بڑھتے رہنا چاہیے، اس کام کے لیے مومن انصار سبھا میں پورے ملک میں قومی اتحاد اور خیر سگالی کو مزید بڑھانے کے لیے ہر طبقہ کے لوگوں کو آگے بڑھانے میں ایک مثال قائم کر رہا ہوں۔

پچھلے کافی عرصے سے آپ مختلف ذرائع سے معاشرے میں امن اور بھائی چارے کا پیغام دے رہے ہیں۔ آپ کی ان خدمات کو مدنظر رکھتے ہوئے تنظیم کے قومی صدر کی ہدایت پر محمد عظیم انصاری کو لکھنٶ شہر صدر مقرر کیا گیا ہے۔ ہمیں یقین ہے کہ آپ شہر کی مشترکہ وراثت کو برقرار رکھنے میں اپنا بھرپور تعاون کریں گے،اورجس سے عام لوگوں کی آواز اٹھاٸی اور ملک میں فرقہ وارانہ اتحاد کی مثال قاٸم کررہا ہے۔آپ ملک میں خوشگوار ماحول پیدا کرنے میں اہم کردار ادا کرتے رہیں گے۔یہی مومن انصار سبھا کا مشن ہے۔