آندھراپردیش میں تلگو دیشم کا شاندرار مظاہرہ۔ پارلیمانی نشستوں پر بھی آگے۔ وائی ایس آر کانگریس کا برا حال

حیدرآباد ۔ آندھراپردیش میں پارلیمانی اور اسمبلی انتخابات کے ووٹوں کی گنتی کا عمل جاری ہے ۔ تا حال جاری کردہ رحجانات کے مطابق اسمبلی انتخابات اور پارلیمانی انتخابات کے نتائج میں تلگو دیشم پارٹی کو واضح اکثریت حاصل ہے۔

تلگو دیشم پارٹی کے امیدوار 134حلقوں سے آگے ہیں جبکہ حکمران جماعت وائی ایس آر کانگریس کو 13 نشستوں پر برتری دیکھی جارہی ہے ۔ جنا سینا 21 حلقوں سے آگے ہیں۔ بی جے پی کے 7 امیدواروں کو سبقت حاصل ہے۔ پارلیمانی انتخابات کے نتائج میں بھی تلگو دیشم کو سبقت حاصل ہے ۔

ٹی ڈی پی کے16 امیدوار آگے ہیں۔ وائی ایس آر پارٹی کے4 امیدوار برتری بنائے ہوئے ہیں۔ جنا سینا 2 اور بی جے پی3 حلقوں سے آگے ہے۔آندھرا پردیش میں تلگو دیشم پارٹی کے لیڈر اور کارکنوں کی جانب سے جگہ جگہ جشن منایا جا رہا ہےکیونکہ تلگو دیشم اتحاد نے ریاست میں اکثریتی سیٹوں پر سبقت بناے ہوئے ہے۔ پارٹی کارکنان کثیر تعداد میں پارٹی دفتر پہنچے اور آتش بازی کرتے ہوئے

مٹھائیاں تقسیم کر کے جشن منایا۔ انہوں نے نعرے لگائے کہ چندرا بابو مستقبل کے چیف منسٹر بنیں گے ۔ پارٹی لیڈر اور کارکن ہاتھوں میں چندرا بابو کی تصویروں کو ہاتھوں میں تھامے ہوئے خوشی کا اظہار کررہے ہیں۔