مولاناحلیم اللہ قاسمی صدرجمعیۃ علماءمہاراشٹرکی قیادت میں جمعیۃ علماءمہاراشٹرا مؤقروفد شولاپور روانہ

ممبئی یکم جنوری

مولاناسیدارشدمدنی صدرجمعیۃ علماءہندکی گفتگومیں بارہایہ بات سماعتوں سےٹکراتی ہےکہ جس طرح مسلمانوں نےاپنےدم خم پرمدارس ومکاتب کانظام برپاکیاہےاسی طرح اب انھیں پوری پامردی کےساتھ عصری تعلیمی نظام برپاکرنےکے لئے

اسکولز،کالجزاوریونیورسٹیزکےقیام کویقینی بناناچاہئےتاکہ امت کےنونہالوں کواسلامی ماحول میں غیرمخلوط تعلیم کی راہیں ہموار ہوں اورفکری ارتدادکی بادِصرصرسےانھیں بچایا جاسکے۔

چنانچہ اسی عنوان کےپیشِ نظرجمعیۃ علماءمہاراشٹر نےشولاپورمیں ایک صاحب خیرجناب محمدامجدصاحب (رابوڑی شہرتھانہ)کی عطیہ کردہ چھ ایکڑزمین پرعصری تعلیم گاہ(اسکول وکالج) کےلئےتعمیراتی کام شروع کرنےکامجلسِ عاملہ میں فیصلہ لیااور مجلسِ عاملہ نےابتدائی طورپرزمین پرپہونچ کرمنصوبہ بندی کےلئےایک کمیٹی تشکیل دی تھی، الحمدللہ 31؍دسمبر2024بروزمنگل کمیٹی کےاحباب روانہ ہوکرسالِ نوکی پہلی تاریخ یکم جنوری 2025بدھ کوعلی الصباح شولاپورپہونچ چکےہیں اوروہاں جمعیۃ علماءشولا پورکےذمہ داروں بالخصوص مولاناذبیح اللّٰہ قاسمی صدرجمعیۃ علماء شولاپورکی رہبری میں قصبہ مندروپ کےپاس اس چھ ایکڑمربع قیمتی زمین کامکمل جائزہ لےکرآئندہ کےٹھوس اقدامات کےلئےمنصوبہ بندی کریں گے مقامی باشعورتعلیم یافتہ طبقےسےتبادلۂ خیال بھی کریں گے۔

اس مؤقروفدمیں مولانامفتی محمدیوسف قاسمی(جنرل سیکریٹری جمعیۃ علماءمہاراشٹر) مولانااشتیاق احمد قاسمی کرلاممبئی(خازن جمعیۃ علماء مہاراشٹر) مولاناڈاکٹرمحمدعارف عمری وسئی(نائب صدرجمعیۃ علماءمہاراشٹر) قاری محمدادریس پونہ(نائب صدرجمعیۃ علماءمہاراشٹر) مولانا مفتی لئیق احمد قاسمی بھیونڈی(ناظم اعلٰی جامعہ سراج العلوم بھیونڈی وصدرجمعیۃ علماءبھیونڈی) مولانامحمدسرور مظاہری نالاسوپارہ(صدرجمعیۃ علماء ضلع پالگھر) مولاناعبدالقیوم قاسمی (صدرجمعیۃ علماءضلع ناسک ورکن عاملہ جمعیۃ علماءمہاراشٹر) مفتی حفیظ اللہ قاسمی(ناظمِ تنظیم جمعیۃ علماءمہاراشٹر)جناب حکیم شمشادمرادی پونہ اوردیگرمعززین شامل ہیں۔