الوداع جمعہ کے موقع پر مسلمان اپنے بازو پر کالی پٹی باندھ کر خاموش احتجاج کریں

مسلمانان ہند سے ایک اہم اپیل!
وقف ترمیمی بل 2024 کے خلاف
جمعة الوداع کے موقع پر اپنے بازو پر کالی پٹی باندھ کر احتجاج کریں

نئی دہلی؛ 27 مارچ 2025

الحمد اللہ دہلی کے جنتر منتر اور پٹنہ کے دھرنا استھل پر مسلمانوں کے زوردار احتجاج نے کم از کم بی جے پی کی حلیف جماعتوں کی صفوں میں ہلچل مچادی ہے۔ اب 29 مارچ 2025 کو وجے واڑہ میں بھی ایک زوردار احتجاج ہونے جا رہا ہے۔
وقف ترمیمی بل 2025 ایک گھناؤنی سازش ہے، جس کا واضح مقصد مسلمانوں کو ان کی مساجد، عید گاہوں، مدارس، درگاہوں، خانقاہوں، قبرستان اور ان کے خیراتی اداروں سے انہیں محروم کرنا ہے۔ اگر یہ بل منظور ہوگیا تو ہمارے ہاتھ سے سینکڑوں مساجد، عید گاہیں، مدارس، قبرستان اور متعدد خیراتی ادارے نکل جائیں گے۔

لہذا ملک کے ہر مسلمان کی یہ ذمہ داری ہے کہ وہ اس پر اپنا بھرپور احتجاج درج کرائے۔ آل انڈیا مسلم پرسنل لا بورڈ ملک کے ہر مسلمان سے اپیل کرتا ہے کہ وہ جمعة الوداع کے موقع سے اپنے بازو پر کالی پٹی باندھ کر مسجد آئے اور اپنے غم و غصہ کا پرامن و خاموش مظاہرہ کرے۔

مولانا خالد سیف اللہ رحمانی
صدر بورڈ
مولانامحمد فضل الرحیم مجددی
جنرل سکریٹری بورڈ
ڈاکٹر سید قاسم رسول الیاس
کنوینر مجلس عمل وترجمان بورڈ