"میں فلسطین ہوں "۔(نظم ) ۔________________________ شیبا کوثر (آرہ )انڈیا

"میں فلسطین ہوں "۔(نظم )
۔________________________
شیبا کوثر (آرہ )انڈیا ۔
۔____________________
درد و کراہ میں ڈوبی ہوئی آواز ۔۔۔۔
"میں فلسطین ہوں!”
اندھیرا !سکو ت!! سائے !!!
خنجر۔۔۔۔۔خون ۔۔۔۔۔خنجر!!
میں غور کرتی ہوں۔
میرے سامنے عالَمِ اِسلام کا نقشہ ہے۔ ۔۔۔۔۔
اور خنجر عالمِ اِ سلام کے قلب میں پیوست ہے !!
چاروں طرف تاریکی
میں چونک پڑتی ہوں !!
درد ٙ کراہ میں ڈوبی ہوئی آواز ۔۔۔۔۔
"میں فلسطین ہوں !! ”
فلسطین مجھ سے مخاطب ہے
فلسطین آپ سے مخاطب ہے
فلسطین دنیا کے تمام مسلمانوں سے مخاطب ہے !
"میں فلسطین ہوں "!!
نسل انسانی کی تاریخ کا خالق ۔۔۔۔۔!
آدم ّ کے آنسو میری گھٹی میں پڑے ہیں!
آدمّ کے اولادو ں نے میری آغوش میں پرورش پائی ۔۔۔!!
یعقوبّ کی محبّت،اس کی خوشبو آج بھی میری فضاؤں میں موجود ہے !
یوسف ؑ کے حسن کی روشنی آج بھی میرے آنچلوں سے پھوٹتی ہے ۔۔۔۔۔۔۔۔۔
میں فلسطین ہوں ۔۔۔۔۔۔۔خاک !
وہ خاک جس پر یزداں نے پیغمبروں کی تخلیق کی۔۔۔۔۔۔
پیغمبر ۔۔۔۔۔۔!یعنی تقد یس !
لاکھوں پیغمبر ۔۔۔۔۔۔۔۔۔۔۔۔۔۔۔!!
لاکھوں پیغمبروں کی تقدیس "میرے دامن میں جذب ہے !!
میرے سینے میں ان گنت کہانیاں پوشیدہ ہیں ۔
میری آنکھوں میں ان گنت واقعا ت بسے ہوئے ہیں ۔۔۔۔۔۔
پیغمبرو ں کے واقعات۔ ۔۔۔۔۔۔!
میں نے داؤد ؑ کواپنے ہاتھوں سے معبد تعمیر کرتے دیکھا ہے !
ابراھیم ؑ کی قر بانی کے وقت میں موجود تھا ۔۔۔۔۔۔
خدا کے حضور میں موسیٰؑ کی سر گوشیا ں میں نےسنی ہیں ۔۔۔۔۔
صلیب پر حضرت عیسیٰؑ کی مسکراہٹ میں نے دیکھی ہے!
میں نے خدا کے محبوب کے قدموں کو چوما ہے ۔۔۔۔۔۔۔
رسول ا للّه صلی اللّه عیلہ وسلم کے سجدو ں کے نشانات!!
اور ایک رات !۔۔۔۔۔۔۔معراج کی رات !!
میرے ہی حصّے میں آئ !
مجھے پاک گھر کہا جاتا ہے ۔۔۔۔۔۔۔
میں حضرت عمر فاروق ؓ کا فخر ہوں۔۔۔۔۔
صلاح الد ین ایو بی کی امانت ہوں !
پیغمبروں کی سر زمین ہوں !
میں فلسطین ہوں !
آج میرے سینے میں خنجر پیو ست ہے !
پیغمبروں کا تقد س خون آلود ہے !
ہزاروں چنگیز و ہلا کو ،مسو لینی اور ہٹلر۔ ۔۔۔قابض۔ ۔۔۔۔؟
آذانیں۔ ۔۔۔۔۔۔مقید۔ ۔۔۔!!
عبادت گاہیں ۔۔۔۔۔۔۔۔شیطان کا غر ور !
سجدوں کے نشانات ۔۔۔۔۔یہودیوں کے لوٹ !
مقدس مقامات ۔۔۔۔۔۔اسرا ئیلی گنوں و بموں کا حصار !!
درد و کرب میں ڈوبی ہوئی آواز ۔۔۔۔۔۔۔۔۔
"میں فلسطین ہوں ۔۔۔۔۔۔۔۔۔۔!!
آج میرے سینے میں خنجر پیو ست ہے ۔۔۔۔۔۔
پیغمبروں کی سر زمین پر ظلم و ستم کا کاروبار جاری ہے !!
کتنی حیرت کی بات ہے
اور دنیا میں مسلمان زندہ ہیں ۔۔۔۔۔۔۔۔۔؟
فلسطین مجھ سے مخاطب ہے
فلسطین آپ سے مخاطب ہے
فلسطین پوری دنیا کے تمام مسلمانوں سے مخاطب ہے ۔۔۔۔۔!!
ہاں میں فلسطین ہوں ۔۔۔۔۔۔ہاں میں فلسطین ہوں ۔۔۔۔!!!