"ہاں وہ میرا خدا ہے "۔ از :شیبا کوثر (آ رہ )انڈیا

"ہاں وہ میرا خدا ہے "۔ از :شیبا کوثر (آ رہ )انڈیا ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وہ جو روشنی ہے
وہ جو خوشبو ہے
وہ جو انسان کے جسم میں
دل بن کر دھڑکتا ہے
وہ جو سیپ کو
گوہر عطا کرتا ہے
وہ جو زندگی
موت سے ماورا ہے
وہ جو الہام و وجدان سے
کہیں آگے ہے۔۔۔۔۔۔۔
وہ جو خواب و خیال کی
پہنچ سے دور ہے
وہ جو پھول اور شبنم سے جھانکتا ہے
وہ جو رنگ و نور میں
کام کرتا ہے
وہ جو احساس ہے
وہ جو محبّت ہے
وہ جو عشق ہے
سنو !
وہ کیا ہے ۔۔۔۔۔؟
ہاں وہ "میرا خدا ہے "۔۔۔۔۔۔!!