بی جے پی کی پالیسیوں سے ملک کا نظام ہوا درہم برہم:راکیش ورما

زیدپور،بارہ بنکی(ابوشحمہ انصاری )بی جے پی حکومت بڑھتی مہنگائی اور بے روزگاری کے بڑے مسئلے کے لیے ذمہ دار ہے۔
آج زید پور ودھان سبھا کے گرام مجیٹھااور تاہی پور میں سرگرم اراکین، کیمپ میں بڑی تعداد میں موجود،سابق وزیر راکیش کمار ورما نے کارکنوں کے سامنے اظہار خیال کیا۔
راکیش کمار ورما نے کہا کہ بی جے پی نے ملک کے عوام کو دھوکہ دے کر ملک میں اپنا اقتدار حاصل کیا،تب سے اب تک مودی کی پالیسیاں ملک کے اقتصادی محاذ سمیت تمام محاذوں پر ناکام ثابت ہوئی ہیں، یہ حکومت زراعت کو ختم کرنے پر تلی ہوئی ہے۔
ایس پی کی پالیسیوں پر بحث کرتے ہوئے سابق وزیر راکیش ورما نے کہا کہ صرف سوشلسٹ نظام ہی ملک کو فائدہ پہنچا سکتا ہے۔
اس موقع پر زید پور کے ایم ایل اے گورو راوت نے ایس پی کی رکنیت پر کارکن کا شکریہ ادا کیا اور کہا کہ کارکنوں کی طاقت پر ہم غیر جمہوری پالیسیوں کے خلاف لڑیں گے۔
پروگرام کی صدارت کرتے ہوئے ضلع نائب صدر محمد صباح نے کہا کہ ایس پی کو عوام کی جانب سے زبردست عوامی حمایت مل رہی ہے، کارکنان اور عوام ایس پی کے ممبر بن رہے ہیں۔
پسماندہ سیل سکریٹری انکت ورما کے ذریعہ اس ممبر شپ کیمپ سے خطاب کرنے والوں میں ایس پی کے سینئر لیڈر راجندر پرساد ورما، مرکزی صدر لکشمن پور انکت بادل، ابھیشیک یادو، دھیرج ورما، شیوکمار، پنکج یادو آشو، کپل، ارجن ورما، منوج ورما شامل تھے۔ انکت ورماتاہی پور، پرنسپل جگدیش پرساد گوتم، رتی لال ورما، منیرام یادو، راہل ورما، اودھ رام ورما، ارجن ورما، لکش رام ورما، گووند ورما، منوج ورما،پردیپ کوٹیدار، گجراج ورما، پرمود کمار ورما، پنکج یادو، وجے بہادر، گنیش شنکر وغیرہ نمایاں طور پر موجود تھے۔