بہار :تنازعات میں گھرے وزیرقانون کامحکمہ تبدیل،بی جے پی نے نتیش پرسادھانشانہ

پٹنہ(ایجنسی)بہار میں نئی بننے والی عظیم اتحاد حکومت میں وزیر کے طور پر حلف لینے کے بعد تنازعات میں گھرے وزیر قانون کارتک کمار کا محکمہ تبدیل کر دیا گیا ہے۔ بہار کی نتیش کمار حکومت نے بدھ کو وزیر قانون کارتک کمار کا محکمہ بدل دیا۔ اغوا کے ایک کیس میں مبینہ طور پر ملوث ہونے کے باوجود کمار کی کابینہ میں شمولیت پر اپوزیشن کی طرف سے شدید تنقید کی گئی تھی۔ بہار کے چیف سکریٹری عامر سبحانی کی طرف سے جاری کردہ نوٹیفکیشن کے مطابق 30 اگست کے ایک حکم کی روشنی میں وزیر اعلیٰ نتیش کمار کے مشورے پر کارتک کمار کو شمیم احمد کی جگہ شوگر کین انڈسٹریز ڈیپارٹمنٹ میں تعینات کیا گیاہے، جب کہ محکمہ قانون کا کام اگلے احکامات تک شمیم احمدکوالاٹ کر دیا گیا ہے۔
16 اگست کو، کارتک نے نتیش کمار کی قیادت میں نو تشکیل شدہ عظیم اتحاد حکومت میں اپنی پارٹی کے کوٹے سے وزیر کے طور پر حلف لیا۔ بھارتیہ جنتا پارٹی (بی جے پی) نے 2014 کے اغوا کیس میں نامزد ہونے کے باوجود کارتک کو کابینہ میں شامل کرنے پر سوال اٹھاتے ہوئے انہیں وزیر کے عہدے سے ہٹانے کا مطالبہ کیا تھا۔ ریاست میں ان وزراء کے قلمدانوں میں ردوبدل پر ردعمل ظاہر کرتے ہوئے، بی جے پی ریاستی صدر سنجے جیسوال نے کہا، ’’آج کارتکیہ سنگھ کا محکمہ تبدیل کیا گیا ہے۔ یہ نتیش کی نئی زیرو ٹالرینس پالیسی ہے جسے ہم پھنسانے کے لیے ہیں، ہم بچانے کے لیے بھی ہیں۔ ہم لالو (آر جے ڈی کے قومی صدر)، تیجسوی، اننت سنگھ، آنند موہن کو پھنسائیں گے اور جب وہ ہماری پناہ میں آئیں گے، ہم انہیں بچائیں گے۔‘‘ اب وہ لالو کے خاندان کے ’’آرڈر کیپر‘‘ کے کردار میں ہیں۔
کانگریس کے ریاستی ترجمان اسیت ناتھ تیواری نے بی جے پی پر جوابی حملہ کرتے ہوئے کہا، ’’بہار میں کابینہ میں ردوبدل سے مسئلہ کیوں ہے؟ جب وزیر اعظم نریندر مودی نے پیوش گوئل اور اسمرتی ایرانی جیسے مرکزی وزراء کے قلمدان بدلے تو کسی کو کوئی مسئلہ نہیں تھا۔‘‘
17 اگست کو جب وزیر اعلیٰ نتیش کمار سے کارتک پر لگائے گئے الزامات کے بارے میں پوچھا گیا تو انہوں نے کہا کہ انہیں اس معاملے میں کوئی علم نہیں ہے۔ بہار کے نائب وزیر اعلی تیجسوی یادو نے 18 اگست کو کہا تھا، ’’وارنٹ کے بعد عدالت نے گرفتاری کے خلاف عبوری تحفظ دیا ہے۔ اسے ابھی تک عدالت نے سزا نہیں سنائی ہے۔ ہم عدالت کی ہدایات پر عمل کریں گے۔ کارتک کے خلاف زیر التواء گرفتاری وارنٹ کے الزامات کے بارے میں پوچھے جانے پر، آر جے ڈی سربراہ لالو پرساد نے سشیل کے بارے میں کہا تھا، ’’یہ سب غلط ہے‘‘۔ سی پی آئی-ایم ایل نے 17 اگست کو کہا تھا کہ وزیر قانون کو برقرار رکھنے سے حکومت کی شبیہ خراب ہوگی۔ اس وقت عظیم اتحادحکومت میں سات جماعتیں جے ڈی یو، آر جے ڈی، کانگریس، سی پی آئی (ایم ایل)، سی پی آئی، سی پی آئی (ایم) اور ہندوستانی عوام مورچہ ہیں۔