مشترکہ وفد کی ڈی جی پی سے ملاقات، یادداشت پیش کی گئی۔

بھوپال (پریس ریلیز) اندور کے سیاسی و سماجی کارکن عبدالرؤف بیلم پر اندور ضلع انتظامیہ کی طرف سے کی گئی بے بنیاد کارروائی کے خلاف ایک مشترکہ وفد نے آج بھوپال میں پولیس کے ڈائریکٹر جنرل سے ملاقات کی۔ بے بنیاد اور سیاسی بدنیتی پر مبنی ضلع بدر کی کارروائی کو کالعدم قرار دینے کا مطالبہ کیا۔ اس کے ساتھ وفد نے سماجی کارکن زید پٹھان کے خلاف قومی سلامتی ایکٹ کے تحت درج مقدمہ واپس لینے کا بھی مطالبہ کیا۔

وفد نے اندور کے سماجی کارکن عبدالرؤف بیلم اور زید پٹھان دونوں کے خلاف ضلع انتظامیہ کی طرف سے درج کیے گئے مقدمات کو جھوٹا، من گھڑت اور سیاسی طور پر بدنیتی پر مبنی کارروائی قرار دیا۔ یہ دونوں لوگ مسلم معاشرے میں ایک خاص مقام رکھتے ہیں اور ہمیشہ مظلوموں، استحصال زدوں اور مظلوموں کی بلا تفریق مدد کرتے ہیں۔

وفد میں مدھیہ پردیش مسلم نمائندہ کمیٹی کے صدر شکیل انصاری، صحافی عادل سعید، جماعت اسلامی کے اسحاق انصاری، جمعیت اہل حدیث کے عزیز سلفی، اسلامک ریلیف کمیٹی کے ذاکر لالا، سوشل ڈیموکریٹک پارٹی آف انڈیا کے ریاستی جنرل سکریٹری ڈاکٹر ممتاز قریشی اور ریاستی سیکرٹری پرویز قریشی موجود تھے۔