آسام میں این آئی اے کا الفا سے وابستہ ٹھکانوں پر چھاپہ
گوہاٹی۔۳؍ستمبر: آسام میں نیشنل انوسٹی گیشن ایجنسی (این آئی اے) نے کئی مقامات پر چھاپے مارے ہیں۔ یہ کارروائی کالعدم عسکریت پسند تنظیم یونائیٹڈ لبریشن فرنٹ آف آسام(ULFA) میں نوجوانوں کی بھرتی کے معاملے میں کی گئی ہے۔ معلومات کے مطابق اس چھاپے میں این آئی اے کی ٹیم نے الفا سے متعلق گولہ بارود اور لٹریچر کے ساتھ مجرمانہ دستاویزات کو ضبط کیا ہے۔ این آئی اے کی طرف سے دی گئی معلومات کے مطابق ریاست کے سات اضلاع میں 16 مقامات پر چھاپے مارے گئے۔ حکام نے بتایا کہ یہ چھاپے کامروپ، نلباری، ڈبرو گڑھ جیسے اضلاع میں مارے گئے۔ حکام کے مطابق این آئی اے کو باغی تنظیم کے لیے فنڈز کی خورد برد، نوجوانوں کو غیر قانونی سرگرمیوں میں ملازمت دینے اور ان کی تربیت کے لیے ہند-میانمار سرحد پر تربیتی کیمپ لگانے کی اطلاع ملی تھی، جس کے بعد مقدمہ درج کیا گیا۔ اس معاملے میں مزید تفتیش ابھی جاری ہے۔
Comments are closed.