مختار انصاری پر گینگسٹر ایکٹ میں الزام طے، اگلی سماعت ۳۰ستمبر کو

مئو۔ ۱۵؍ستمبر: اترپردیش کے ضلع مئو میں سابق ایم ایل اے مختار انصاری پر غیر قانونی اسلحہ رکھنے کے لیے سفارشی لیٹر لکھے جانے کے معاملے میں مقامی عدالت نے جمعرات کو گینگسٹر ایکٹ کے تحت الزام طے کردیے ہیں۔باندہ جیل سے عدالت میں پیشی کے لئے یہاں لائے گئے مختار کے خلاف گروہ بند جرائم کے الزامات طے ہونے کے بعد عدالت نے معاملے کی اگلی سماعت کی تاریخ 30ستمبر طے کی ہے۔ ایم پی ایم ایل اے اور گینگسٹر ایکٹ کی اسپیشل عدالت کے اڈیشنل سیشن جج دنیش چورسیا نے مختار انصاری کو باندہ جیل و ایک دیگر معاملے میں سلیم کو بارہ بنکی اور انور و سہجانند کو غازی پور جیل سے الزام طے کرنے کے لئے عدالت میں ذاتی طور سے آج پیش ہونے کا حکم دیا تھا۔ ان ملزمین کو تھانہ دکشن ٹولہ میں فرضی اسلحہ لائسنس معاملے میں پشی کے لیے باندہ، بارہ بنکی اور غازی پور جیل سے مئو لایا گیا۔ سخت سیکورٹی انتظامات کے درمیان تینوں ملزمین کو عدالت میں پیش کیا گیا۔جج چورسیا نے معاملے کو سننے کے بعد مختار و دیگر ملزمین سمیت کل 04افراد کے خلاف گینگسٹر ایکٹ میں الزامات طے کرتے ہوئے اگل سماعت 30ستمبر طے کی ہے۔ قابل ذکر ہے کہ مختار انصاری نے بطور ایم ایل اے دکشن ٹولہ تھانہ علاقے کے پتے پر نصف درجن لوگوں کو اپنے لیٹر پیڈ پر اسلحہ لائسنس جاری کرنے کی سفارش کی تھی۔ جس پر لائسنس جاری ہوا تھا۔ بعد میں جانچ میں تینوں لوگوں کے پتے فرضے پائے گئے۔اس معاملے میں مختار انصاری پر 120بی و دیگردفعات میں مقدمہ درج ہوا۔ اس کے ساتھ ہی پولیس نے اس معاملے میں سبھی ملزمین پر گینگسٹر لگانے کی سفارش کردی۔جسے آج عدالت نے منظور کرلیا۔ سماعت کے بعد سخت سیکورٹی کے درمیان مختار انصاری کو باندہ جیل بھیج دیا گیا۔