ہندو اور ہندوستانی ایک ہی ہیں

ہندوستان نے دُنیا کو قربانی کا درس دیا :موہن بھاگوت

شیلانگ ۔۲۶؍ستمبر:  آر ایس ایس کے سربراہ موہن بھاگوت نے کہا ہے کہ ہندوستان کی مجموعی ترقی آر ایس ایس کا ہدف ہے۔ آر ایس ایس کا مقصد معاشرے کو منظم کرنا ہے، تاکہ ہندوستان ہمہ جہت ترقی کر سکے۔ آر ایس ایس ذاتی مفادات کو قربان کر کے ملک کے لیے قربانی دینا سکھاتا ہے۔ انہوں نے اتوار کو اپنے دو روزہ دورے سے قبل ایک جلسہ عام میں کہا۔بھاگوت نے کہا کہ روحانیت پر مبنی قدیم اقدار میں جڑا ایمان ملک کے لوگوں کے لئے پابند قوت ہے۔ ہندوستانی اور ہندو مترادف جغرافیائی ثقافتی شناخت ہیں۔ ہم سب ہندو ہیں۔ انہوں نے کہا کہ ہندوستانیوں نے قربانی کی روایت کو ملک کی قدیم تاریخ سے سیکھا۔ بھاگوت نے کہا کہ ہمارے آباؤ اجداد مختلف غیر ملکی سرزمین پر گئے اور انہوں نے جاپان، کوریا، انڈونیشیا اور دیگر کئی ممالک کو اپنی قدروں سے روشناس کرایا۔آر ایس ایس سربراہ نے کہا کہ ہندوستان نے کوویڈ 19 عالمی وبا کے دوران مختلف ممالک کو ویکسین بھیج کر انسانیت کی ’خدمت ٗکی ہے اور اس کے معاشی بحران میں سری لنکا کے ساتھ کھڑا ہے۔ موہن بھاگوت نے کہا کہ جب ہندوستان طاقتور ہوتا ہے تو ہر شہری طاقتور ہو تا ہے۔ موہن بھاگوت شمال مشرقی ریاست کے اپنے دو روزہ دورے کے دوران آر ایس ایس کے مختلف کارکنوں اور سماجی تنظیموں کے رہنماؤں سے ملاقات کریں گے۔خیال رہے کہ اپنے نظریات کے برعکس موہن بھاگوت نے بھی دہلی کے کستوربا گاندھی مارگ پر واقع مسجد کا دورہ کیا۔ اس دوران انہوں نے آل انڈیا مسلم امام آرگنائزیشن کے سربراہ امام عمر احمد الیاسی سے بھی ملاقات کی۔ عمیر احمد الیاسی نے اس رسمی ملاقات کے بعد موہن بھاگوت کو ’راشٹر پتا‘ بھی قرار دیا تھا ، جسے لے کر عوام میں کافی بے چینی پائی گئی تھی ۔