امت شاہ بھی عظیم اتحاد میں جلد شامل ہوں گے

لالوپرساد کے بڑے بیٹے تیج پرتاپ یادو کا طنز

پٹنہ۔ ۳؍اکتوبر: وزیر داخلہ امت شاہ کے دوبارہ بہار دورہ پر راجد سپریمو لالو پرساد یادو کے بڑے صاحبزادے و وزیر تیج پرتاب یادو نے طنز کرتے ہوئے کہاکہ وہ(امت شاہ) بار بار بہار اس لئے آ رہے ہیں کہ انہیں بھی عظیم اتحاد میں شامل ہونا ہے۔ جب سے بہار میں عظیم اتحاد کی حکومت بنی ہے اس وقت سے بی جے لی لیڈران کے پیٹ میں درد شروع ہو گیا ہے۔ سبھی لوگ مسلسل بہار کا دورہ کر رہے ہیں. امت شاہ بھی بار بار بہار اسی وجہ سے آ رہے ہیں کہ انہیں بھی عظیم اتحاد کی حکومت اچھی لگ رہی ہے ۔وہ بہت جلد بھاجپا چھوڑ کر عظیم اتحاد میں شام ہو جائیں گے۔بہار کے وزیر تیج پرتاب یادو نے مزید کہا کہ آج ہم نے ریاستی دفتر کا دورے کے دوران ریاستی صدر جگدا نند سنگھ جی سے ملاقات کی۔اس بات کو یقینی بنانے کی گزارش کی کہ راجد کے جتنے بھی وزیر ہیں۔وہ سب دفتر آئیں اور جنتا دربار لگا کر عوام کی فریاد سنیں اور ان کے مسائل حل کریں۔ اس سے زیادہ سے زیادہ عوام کی مدد ہو سکے. حکومتی سطح سے جو کام ہو رہا ہے وہ اپنی جگہ ہے۔ہم زیادہ سے زیادہ عوام تک پہنچ سکیں.غورطلب ہے کہ امت شاہ 23 ستمبر کو خطہ سیمانچل کے پورنیہ اور کشن گنج کا دورہ کیا تھا، اب 17 دن بعد امت شاہ پھر سے دوبارہ بہار کے دورے پر آ رہے ہیں. اس بار وزیر داخلہ 11 اکتوبر کو جے پرکاش نارائن کے جنم دن کے موقع پر چھپرہ کے دیارہ گاؤںجائیں گے۔امت شاہ سیوان اور گوپال گنج میں کسانوں سے ملاقات کریں گے۔