نیپال میں عیدین اور عید میلادالنبی کے مواقع پر قومی تعطیلات جنتا سماج وادی پارٹی کی دین:سابق ودھایک پھول بابو

روتہٹ نیپال سے انوارالحق قاسمی کی خصوصی رپورٹ

ممبران پارلیمنٹ (مانیے )ممبران اسمبلی (ودھایک)کا الیکشن بالکل سر پر ہے۔شہر شہر،بستی بستی انتخابی سرگرمیاں شباب پر ہے۔ضلع روتہٹ حلقہ نمبر 4 (خ)میں بھی انتخابی ماحول عروج پر ہے،ہر امیدوار کا یہی دعویٰ ہے کہ اس بار میری جیت یقینی ہے؛مگر یہ تو وقت ہی بتائے گا کون اپنے دعویٰ میں کس قدر سچا تھا۔تا ہم یہ بات بالقین کہی جاسکتی ہے کہ حلقہ نمبر 4 (خ)سے ودھایک(ممبراسمبلی) عہدہ کے امیدواروں میں سب سے بڑا چہرہ پھول بابو کا ہے اور آثار سے یہی معلوم ہوتا ہے کہ اس الیکشن میں بھی عوام کی اکثریت ان ہی کی حمایت کرے گی۔اور انصاف کا تقاضا بھی یہی ہے کہ ان کی حمایت کی جائے ،کیوں کہ ضلع روتہٹ کے چاروں حلقہ کے سابق جملہ ممبران اسمبلی میں سب سے زیادہ اگر کسی نے سماجی خدمات انجام دیا ہے تو وہ حلقہ نمبر 4 (خ)کے سابق ممبراسمبلی پھول بابو نے کیاہے۔

سابق ممبراسمبلی پھول بابو نے اپنی خدمات پر مختصر روشنی ڈالتے ہوئے کہا:ہماری خدمات کا دائرہ ہروارڈ کو محیط ہے،حلقہ نمبر 4(خ) میں کوئی ایک بھی ایساوارڈ نہیں ہے جہاں میں نے کام نہیں کیاہے۔مسلمانوں کے لیے خصوصا مساجد بنوایا اور قبرستانوں کی چہار دیواری کا کام کرایا اور ہندوؤں کے وارڈوں میں بھی ہم نے بہت کام کرایاہے، جو عوام کے سامنے ہے۔سابق بدھایک نے یہ بھی کہا کہ عیدین اور عید میلاد النبی صلی اللہ علیہ وسلم کے مواقع پر قومی تعطیلات کا سلسلہ ہماری پارٹی (جنتا سماج وادی)نے کی ہے۔ جنتا سماج وادی پارٹی آپ لوگوں کے لیے اور بھی بہت کچھ کرنے کا ارادہ رکھتی ہے،بس اسے آپ لوگوں کا سپورٹ چاہئے۔

واقعی پھول بابو اپنے مثالی کارناموں کی بنا پر سرخیوں میں ہیں، حلقہ نمبر 4 میں ہر انصاف پسند کی زبان پر صرف پھول بابو ہی کا نام ہے،یہ بس ان کے کارناموں کا کرشمہ ہے۔ اگر آپ حلقہ نمبر 4(خ)کو مثالی اور خوبصورت حلقہ دیکھنا چاہتے ہیں تو پھر پہلے کی طرح اس دفع بھی آپ اپنا ووٹ پھول بابو کو دے کر زیادہ سے زیادہ ووٹوں سے کامیاب بنائیں،تاکہ آپ کے سنہرے خوابوں کی بحسن و خوبی تکمیل ہوسکے۔یاد رہے کہ پھول بابو کا چناو نشان چھاتا چھاپ ہے،جس پر آپ مہر لگانا ہرگز نہ بھولیں!