طوفان الاقصیٰ کا 7واں دن، 1300 یہودی ہلاک،1537 فلسطینی شہید

بصیرت نیوزڈیسک
فلسطینی وزارت صحت نے اعلان کیا ہے کہ غزہ کی پٹی پر صیہونی جارحیت کے نتیجے میں اب تک 1537فلسطینی شہریوں کی شہادت کی تصدیق کی گئی ہے۔ شہداء میں500 بچے اور 260 خواتین شامل ہیں۔ دوسری طرف طوفان الاقصیٰ آپریشن میں فلسطینیوں کی کاررروائیوں میں 1300 صہیونی ہلاک اور 3 ہزار سے زاید زخمی ہوچکے ہیں۔ زخمیوں میں سیکڑوں شدید زخمی ہیں اور بعض  زندگی موت کی کشمکش میں بتائے جاتے ہیں۔ غزہ پر اسرائیلی جارحیت کے ساتویں روز مزید کئی فلسطینی غزہ میں بمباری کے دوران شہید ہوگئے۔ گذشتہ سات روز سے جاری اسرائیلی جارحیت می6612 فلسطینی زخمی ہوئے ہیں۔ زخمیوں میں 1644 بچے اور 1005 خواتین شامل ہیں۔ 
رپورٹ کے مطابق شہداء میں 8 صحافی شامل ہیں جب کہ 20 صحافی پیشہ وارانہ ذمہ داریوں کی انجام دہی کے دوران بمباری میں شدید زخمی ہوئے ہیں۔ قابض فوج نے غزہ کی پٹی میں 750 مقامات پر عام شہریوں کےگھروں پر حملے کئے جن میں درجنوں شہری شہید ہوگئے۔ بیان میں بتایا گیا کہ خاندانوں کے خلاف اب تک کم از کم 22 اجتماعی قتل عام ریکارڈ کیے گئے ہیں، جس میں تقریباً 150 فلسطینی شہید ہوئے ہیں۔
 وزارت صحت نے خبردار کیا کہ اسرائیلی جارحیت کی شدت سے ہسپتالوں کی مشکلات میں اضافہ ہوا ہے۔ کیونکہ ہسپتال اسرائیلی محاصرے کے نتیجے میں ہم ادویات، طبی استعمال کی اشیاء اور ایندھن کی بڑی کمی کا شکار ہیں۔ بزدل دشمن کی طرف سے غزہ کی پٹی میں معصوم اور بے گناہ شہریوں کو نشانہ بنا کر اپنی بربریت کا ثبوت پیش کررہا ہے۔