چین: لینڈ سلائیڈنگ اور زلزلہ سے جانی ومالی نقصان،متعددافرادہلاک،ریسکیوآپریشن جاری

بصیرت نیوزڈیسک
منہدم مکانات کے ملبے تلے دبے لوگوں کی تلاش کا کام جاری ہے لیکن سخت سردی کے سبب اس میں پریشانیاں آرہی ہیں۔
چین میں حکام نے منگل کے روز بتایا کہ جنوب مغربی چین کے ایک دور افتادہ پہاڑی علاقے میں مٹی کے تودے گرنے سے کم از کم گیارہ افراد ہلاک ہوگئے ہیں۔
حکام نے مزید بتایا کہ کم از کم دو زندہ بچ جانے والوں کو ملبے سے نکال لیا گیا ہے۔ انہوں نے بتایا کہ منگل کی صبح کو یونان صوبے میں لینڈ سلائیڈنگ کے اس واقعے میں تقریباً 47 افراد منہدم مکانات کے ملبے تلے دب گئے تھے۔ انہوں نے کہا کہ ہلاکتوں کی تعداد میں اضافہ ہونے کا خدشہ ہے۔
صدر شی جن پنگ نے متاثر ین کو ہر ممکن بچانے اور تمام طرح کی امداد فراہم کرنے کا حکم دیا ہے۔

مقامی حکام نے بتایا کہ ریسکیو ٹیمیں منجمد درجہ حرارت میں تقریباً اٹھارہ گھروں میں دبے متاثرین کو تلاش کرنے کے لیے مسلسل کام کررہی ہیں۔ انہوں نے بتایا کہ علاقے سے تقریباً 500 لوگوں کو محفوظ مقامات پر پہنچا دیا گیا ہے۔
سرکاری ٹیلی ویژن چائنا سینٹرل ٹی وی نے بتایا کہ ژینزیانگ قصبے میں امدادی کارکنان پوری رات مٹی کے تودے ہٹاتے رہے۔
اس نے مزید بتایا کہ امدادی کارکنوں کو برف، برف سے ڈھکی ہوئی سڑکوں اور انتہائی سرد درجہ حرارت جیسی مشکلات کا سامنا ہے لیکن وہ اس کے باوجود کام کررہے ہیں۔ محکمہ موسمیات نے اگلے کم از کم تین دنوں تک برفانی موسم رہنے کی پیش گوئی کی ہے۔
ایک ریسکیو ٹیم نے مقامی میڈیا کو بتایا کہ بھربھری مٹی بھی بچاو کی کوششوں میں رکاوٹ بن رہی ہے کیونکہ ایسے حالات میں بڑی مشینوں کا استعمال نہیں کیا جاسکتا۔
سرکاری خبر رساں ایجنسی ژنہوا نے ابتدائی جانچ کا حوالہ دیتے ہوئے کہا کہ لینڈ سلائیڈنگ ایک کھڑی چٹان کے اوپری حصے کے گرنے کی وجہ سے ہوئی۔
ادھر منگل کی صبح چین کے مغربی سنکیانگ علاقے میں ایک کم آبادی والے علاقے میں زلزلے کے جھٹکے محسوس کیے گئے۔ ریکٹر اسکیل پر اس کی شدت 7.1 درج کی گئی۔
حکام نے بتایا کہ زلزلے میں کم از کم چھ افراد کے زخمی ہونے کی اطلاع ہے جب کہ 120 سے زائد مکانات کو نقصان پہنچا یا وہ منہدم ہو گئے۔
چائنا ارتھ کوئک نیٹ ورکس سینٹر نے بتایا کہ زلزلہ صبح تقریباً دو بجے آیا۔ اس نے اکسو علاقے کے اچترپن قصبے کو ہلا کر رکھ دیا۔
تقریباً دو سو امدادی کارکنان متاثرین کی مدد میں مصروف ہیں۔ لیکن انہیں بھی انتہائی سخت سردی کا سامنا کرنا پڑ رہا ہے۔
چین میں لینڈ سلائیڈنگ کے واقعا ت اکثر پیش آتے رہتے ہیں۔ گزشتہ سال اندرونی منگولیا علاقے میں لینڈ سلائیڈنگ میں کم از کم 70 افراد

ہلاک ہو گئے تھے۔

Advertisement

پرفیزون کی خصوصی پیشکش:

یوم جمہوریہ آفر

ایک عطر کے ساتھ ایک فری

شمامہ قیمت 500 کے ساتھ رائل دانا
روح خس قیمت 630 کے ساتھ رائل دانا
وہائٹ عود قیمت 440 کے ساتھ رائل
بلیک مشک قیمت 350 کے ساتھ بلو لیڈی
بریزے سی قیمت 440 کے ساتھ بلو لیڈی
بلیک عود قیمت 740 کے ساتھ بلو لیڈی

سارے پروڈکٹس ایک ساتھ لینے پر کل قیمت 3100 کے بجائے مزید تخفیف کے ساتھ 2900 روپیے۔

چھ ایم ایل بالکل مفت

کوئی کورئیر چارج نہیں

"آفر محدود وقت کے لئے ہے”

واٹس ایپ پر جلد آرڈر کریں : 👇
8082114728

مزید پروڈکٹس کے لیے گروپ جوائن کریں۔

https://chat.whatsapp.com/IaSp4422Dlg57tQehuJl6i