رفح پر حملہ انسانی امداد کے تابوت میں آخری کیل ثابت ہوگا: گوتیرس

بصیرت نیوزڈیسک
 اقوام متحدہ کے سیکرٹری جنرل انتونیو گوتریس نے خدشہ ظاہر کیا کہ غزہے کے انتہائی جنوبی شہر رفح پر اسرائیلی قابض فوج کی وحشیانہ کارروائی فلسطینیوں کے لیے انسانی امداد کی فراہمی کے حوالے سے تباہ کن ثابت ہو گی۔
 پیر کو جنیوا میں انسانی حقوق کی کونسل کے اجلاس سے خطاب میں گوتریس نے خبردار کیا کہ "شہر پر کوئی بھی جامع اسرائیلی حملہ نہ صرف وہاں پناہ لینے والے دس لاکھ سے زیادہ فلسطینی شہریوں کے لیے خوفناک ہو گا، بلکہ یہ امداد کے جنازے پر آخری کیل ثابت ہوگا۔ سیکرٹری جنرل نے اس بات پر زور دیا کہ "رفح انسانی امداد کے آپریشن کا مرکز ہے۔
یہ علاقہ فلسطینی پناہ گزینوں کے لیے اقوام متحدہ کی ریلیف اینڈ ورکس ایجنسی اس کوشش میں ریڑھ کی ہڈی کی حیثیت رکھتا ہے”۔ گوتریس نے "انسانی بنیادوں پر جنگ بندی اور تمام مغویوں کی فوری اور غیر مشروط رہائی” کے اپنے مطالبے کی تجدید کی۔ غزہ کے خلاف جارحیت کو روکنے میں اقوام متحدہ کی سلامتی کونسل کی نااہلی کے بارے میں بات کرتے ہوئے سیکرٹری جنرل نےکہا کہ "غزہ میں اسرائیلی فوجی کارروائیوں کے حوالے سے کونسل کے اتحاد کے فقدان نے اس کے اختیار ات کو کمزور یا شاید ختم کر دیا ہے”۔ 
گوتریس نے زور دیا کہ "تمام انسانی حقوق کے لیے ایک نئے عزم کی فوری ضرورت ہے کیونکہ وہ امن اور سلامتی پر لاگو ہوتے ہیں، جس پر عمل درآمد اور جوابدہی کی سنجیدہ کوششوں کی حمایت ہوتی ہے”۔