امریکیوں کی اکثریت نے امریکہ کی جانب سے اسرائیل کی فوجی مدد کم کرنے کا مطالبہ کردیا

بصیرت نیوزڈیسک
شکاگو کونسل برائے عالمی امور کی طرف سے کرائے گئے ایک رائے عامہ کے سروے کےنتائج جاری کیے گے ہیں۔ سروے میں حصہ لینے والے امریکیوں کی اکثریت نے امریکہ کی طرف سے ’’اسرائیل‘‘ کو فراہم کی جانے والی اور فلسطینی شہریوں کے خلاف استعمال ہونے والی فوجی امداد کو محدود کرنےپر زور دیا ہے۔
 کونسل نے جو کہ امریکہ کے ممتاز دانشوروں کے مراکز میں شمار ہوتا ہے، نے جمعرات کو ہونے والے سروے کے نتائج میں کہا کہ 53 فیصد امریکیوں کا خیال ہے کہ امریکہ کواسرائیل کے لیے اپنی فوجی امداد محدود کرنی چاہیے تاکہ وہ اسے فلسطینی شہریوں کے خلاف فوجی کارروائیوں میں استعمال نہ کر سکے۔
 شکاگو کونسل برائے عالمی امور نےکہاکہ اس امداد کو کچھ شرائط تک محدود کرنے کی بڑھتی ہوئی کالوں کے باوجود امریکی محکمہ خارجہ نے حال ہی میں تل ابیب کے لیے 3.5 ارب ڈالر مالیت کی فوجی امداد کا اعلان کیا حالانکہ اسرائیلی حملوں کے نتیجے میں شہریوں کی ہلاکتوں میں اضافہ ہوا ہے۔
غزہ میں جاری اسرائیلی جارحیت کے نتیجے میں اب تک چالیس ہزار سے زائد فلسطینی شہید ہوچکے ہیں۔ دوسری طرف، 30 فی صد شرکاء کا خیال تھا کہ امریکہ اسرائیل کی ضرورت سے زیادہ حمایت کرتا ہے اور 10 میں سے 3 امریکیوں کا کہنا ہے کہ ان کا ملک غزہ کے باشندوں کو مناسب انسانی امداد فراہم نہیں کرتا۔
 اسرائیل تقریباً 11 ماہ سے امریکی حمایت سے غزہ پر اپنی جنگ جاری رکھے ہوئے ہے اور بین الاقوامی ماہرین نے اسے نسل کشی قرار دیا ہے۔