ایرانی پاسداران انقلاب کا صہیونی ریاست پر میزائلوں کی بارش

منگل کی شام اسلامی جمہوریہ ایران پاسداران انقلاب نے اعلان کیا کہ اس نے مقبوضہ علاقوں میں درجنوں میزائلوں سے اہم فوجی اہداف کو نشانہ بنانا شروع کر دیا ہے۔ 
پاسداران انقلاب نے کہا کہ "ہم نے جو آپریشن کیا وہ سپریم نیشنل سکیورٹی کونسل کے فیصلے اور فوج کی حمایت پر مبنی تھا”۔ انہوں نے مزید کہا کہ "شہید اسماعیل ھنیہ، شہید سید حسن نصر اللہ اور شہید میجر جنرل عباس نیلفروشان کے قتل کے جواب میں ہم نے مقبوضہ علاقوں کے قلب کو نشانہ بنایا”۔
 انہوں نے مزید کہا کہ "اگرصیہونی حکومت نے اس کارروائی کا جواب دیا تو اسے پرتشدد حملوں کا سامنا کرنا پڑے گا”۔ منگل کی شام قابض اسرائیلی فوج نے ایران سے "ریاست اسرائیل” کی سرزمین پر میزائل داغنے کا اعلان کیا۔
 عبرانی میڈیا کا کہنا ہے کہ ایران سے وسطی اور جنوبی اسرائیل کی جانب 200 سے زائد میزائلوں سے حملہ کیا ہے۔میزائل حملوں کے بعد الارم سائرن پورے مقبوضہ فلسطینی علاقوں میں بج رہے تھے جس کے بعد لاکھوں افراد کو پناہ گاہوں میں دھکیل دیا گیا۔
 یہ میزائل جزیرہ نما النقب ، دیمونا، جنوبی مقبوضہ فلسطین، مقبوضہ بیت المقدس اور بحیرہ مردار کے علاقوں میں گرنے کی اطلاعات ہیں۔