اقتدار سے بے دخل کرنے تک وقف ترمیمی بل ایک بددعا کی طرح مودی کا پیچھا کرے گی: پی عبدالمجید فیضی

ملاپورم (پریس ریلیز) سوشیل ڈیموکریٹک پارٹی آف انڈیا کیرلا شاخہ نے وقف ترمیمی بل کے خلاف پارٹی کے ملک گیر مہم کے ایک حصے کے طور پرکولم شہر کے بعد ملاپورم شہر میں ایک عظیم الشان ریالی اور کانفرنس کا انعقاد کیا۔ جس میں ہزاروں کی تعداد میں مرد و خواتین شریک رہے۔

ایس ڈی پی آئی کے قومی جنرل سکریٹری پی عبدالمجید فیضی نے کہا ہے کہ وقف ترمیمی بل اس وقت تک بی جے پی کا پیچھا کرے گا جب تک کہ مودی حکومت، جو وقف بورڈ کے ڈھانچے اور اختیارات کو پامال کرکے مسلمانوں کے وجود کو تباہ کرنے کے لیے نکلی ہے، کو ختم نہیں کیا جاتا۔ وہ ایک عظیم الشان کانفرنس کا افتتاح کر رہے تھے جس میں ایس ڈی پی آئی کی طرف سے ملاپورم میں ” تحفظ وقف برائے سماجی تحفظ” کے نعرے کے تحت منعقدہ وقف تحفظ ریلی کے اختتام پر منعقد کیا گیا تھا۔

نیا وقف ترمیمی قانون، جو شہریت ترمیمی قانون کی طرح صرف مسلمانوں کو نشانہ بناتا ہے، غیر آئینی اور امتیازی ہے۔ ملک میں ہندوؤں اور سکھوں سمیت مذہبی اداروں اور املاک کے تحفظ کے لیے خصوصی قوانین ہیں۔ اگرچہ ان تمام میں رکنیت صرف متعلقہ مذہب کے افراد کو ہی حاصل ہے، لیکن مسلم وقف بورڈ میں صرف غیر مسلموں کو لازمی طور پر شامل کرنے کی تجویز مسلم مخالف جذبات کی عکاس ہے۔ انہوں نے کہا کہ تمام جمہوریت پسندوں کی ذمہ داری ہے کہ اس غیر آئینی اقدام کی مخالفت کریں۔

ایس ڈی پی آئی ریاستی صدر سی پی اے لطیف نے تقریب کی صدارت کی۔ ایس وائی ایف کے ریاستی سکریٹری اشرف باقوی، مفتی امین ماہی، خالد موسیٰ ندوی، ایس ڈی پی آئی کی قومی ورکنگ کمیٹی کے رکن مفتوپوزا اشرف مولوی، ویمن انڈیا موومنٹ کی ریاستی صدر سنیتا نثار، ایس ڈی پی آئی کے ریاستی نائب صدر تلسی ددھرن پالیکل، جنرل سکریٹری پی کے کے۔ عبدالجبار، ریاستی سکریٹری کرشنن ایرانجیکل، وی ٹی اکرام الحق، اور انور پازنجی نے خطاب کیا۔

ریاستی جنرل سکریٹریز پی آر سیاد اور رائے اراکل، سکریٹریز انصاری ایناتھ، پی جمیلہ، منجوشا ماولادم، خزانچی این کے رشید عمری، ریاستی سکریٹریٹ کے رکن اجمل اسماعیل، ریاستی ورکنگ کمیٹی کے ارکان اشرف پرواچمبلم، جارج منڈکایام، وی کے شوکت علی،ضلع صدر ناصر،شہیر چلاپورم، مصطفی کمیری، یوسف وایاناڈ، بشیر، سواد سی اے، سی آئی محمد صیاد،ایس محمد انیش اور ضلعی سکریٹریان موجود رہے۔ وقف تحفظ ریلی، جو ملاپورم ایم ایس پی علاقے سے شروع ہوئی، ورنگوڈ کے مچینگل بائی پاس علاقے میں اختتام پذیر ہوئی۔ ریلی اور عظیم الشان اجتماع میں خواتین اور بچوں سمیت ہزاروں افراد نے شرکت کی۔