چین نے امریکہ کے خلاف 34 فیصد جوابی درآمد ڈیوٹی عائد کی

بصیرت نیوزڈیسک
امریکی انتظامیہ کی جانب سے کئی ممالک پر محصولات عائد کرنے کے بعد تجارتی جنگ تیز ہو گئی ہے۔چین نے جمعہ کے روز امریکہ کے "باہمی محصول” کے خلاف جوابی کارروائی کا اعلان کیا۔چین کے سرکاری اخبار ’گلوبل ٹائمز‘ کی رپورٹ کے مطابق امریکہ سے درآمد کی جانے والی تمام مصنوعات پر 34 فیصد اضافی ٹیرف عائد کی جائے گی۔
واضح رہے امریکہ نے ہندوستان پر بھی 27 فیصد محصولات عائد کرنے کا اعلان کیا ہے اور ٹرمپ انتضامیہ کے اعلان سے دنیا کی شیئر مارکیٹ بری طرح نیچے گر گئی ہے۔اس کے علاوہ چین عالمی تجارتی تنظیم میں امریکہ کے ’ریسیپروکل ٹیرف‘ کے حوالے سے مقدمہ بھی دائر کرے گا۔گلوبل ٹائمز کی رپورٹ میں چین کی جوابی کارروائی کو ایک جائز قدم قرار دیا گیا ہے۔
امریکی صدر ڈونالڈ ٹرمپ نے مختلف ممالک کے خلاف تجارتی کارروائی کرتے ہوئے اعلیٰ نرخوں پر اضافی محصولات عائد کرنے کا اعلان کیا ہے۔ ہندوستان سے امریکہ برآمد ہونے والی اشیاء پر 27 فیصد اضافی ڈیوٹی عائد کر دی گئی ہے جس کا اطلاق آئندہ ہفتے سے ہو گا۔

Comments are closed.