’’ جیو بھارت 4 جی‘‘ فون پر ملے گا 6 مہینے کا مفت ری چارج

• جیو بھارت کا نیا 4جی فون اب صرف 1,499 روپے میں دستیاب

• ہر مہینے 14 جی بی ڈیٹا اور ان لمیٹڈ ایچ ڈی کالنگ بھی ملے گی

2• جی ری چارج کا خرچ جوڑے تو4 جی پر آنے کا اضافی خرچ صرف 299 روپے

ممبئی، 1 اکتوبر، 2026۔ جیو، اپنی 10 ویں سالگرہ کی خصوصی پیشکش میں، ’ جیو بھارت 4 جی ‘ فون صرف 1,499روپے میں، 6 ماہ کے مفت ریچارج کے ساتھ پیش کر رہا ہے۔ اس مدت کے دوران، صارفین کو ہر ماہ 14 جی بی ڈیٹا اور لامحدود ایچ ڈی وائس کالنگ ملے گی۔ اس کا مطلب ہے کہ فون کی خریداری کے ساتھ ہی اگلے چھ ماہ کے لیے ری چارجنگ کی پریشانی ختم ہو گئی ہے۔ اب، ری چارجز پر اضافی رقم خرچ کرنے کی ضرورت نہیں ہے۔

کمپنی نے خاص طور پر ان صارفین کو اپنا ہدف بنایا ہے جو اب بھی 2G فیچر فون استعمال کررہے ہیں۔ جیو کے مطابق، یہ صارفین عام طور پر ریچارجز پر تقریباً 199 روپے فی مہینہ خرچ کرتے ہیں۔ یہ رقم چھ مہینوں میں تقریباً1,200روپے بنتی ہے۔ 1,499 روپے میں نیا فون اور چھ ماہ کا ریچارج دونوں حاصل کرنے سے، 2G سے 4G میں سوئچ کرنے کی اضافی لاگت درحقیقت صرف 299روپے ہے۔ تاہم، گاہک کو فون خریدنے کے وقت پوری 1,499روپے کی قیمت ادا کرنی ہوگی۔

2 جی سے 4 جی میں منتقل ہونے کے ساتھ، صارفین کو نہ صرف انتہائی تیز انٹرنیٹ ملے گا، بلکہ جیو ٹی وی پر 500 سے زیادہ ٹی وی چینلز، کرکٹ، فلموں اور جیو ہاٹ سٹار پر تفریح، موسیقی، اور جیو پے کے ذریعے UPI ادائیگیوں تک بھی رسائی حاصل ہوگی۔

فون میں 2.4 انچ ڈسپلے اور 2000mAh بیٹری ہے۔ یہ پیشکش منتخب جیو بھارت کے A1، B1، B2، اور B3 ماڈلز پر لاگو ہے۔