کرفیو کے بعد دیش کے سامنے بلکتے مسائل اور ذمہ داریاں

مکرمی!
کرونا واٸرس ایک متعدی وباٸی بیماری ہے، اسمیں کوٸی شک نہیں اور پوری دنیاں اس سے متاثر ہے اس میں بھی کوٸی شک نہیں ہے، بحیثیت مسلمان ہمارا عقیدہ ہیکہ جوبھی چھوٹی یا بڑی مصیبت آتی ہے وہ من جانب اللہ ہوتی ہے اس سے خلاصی کا واحد ذریعہ عبادات و طاعات اذکار و اوراد توبہ استغفار ہے اسکے علاوہ یہ دنیاں دارا الاسباب ہے اسلٸے سبب اختیار کرنا عین فطرت خداوندی ہے، اسلٸے ماہرین و ایکسپرٹ کی جانب سے جو بھی احتیاطی تدابیر کے لٸے گائڈ لاٸن دی جارہی ہیں اس پر عمل کرنا عین شریعت کا تقاضا ہے اس وقت پوری دنیاں قید خانہ میں تبدیل ہوچکی ہے، کلی طور پر نظام زندگی معطل ہوکر رہ گٸی ہے، تمام ملکوں کے سربراہان نہایت سخت رویہ اختیار کرتے ہوۓ اپنے یہاں کے لوگوں کو آٸسو لیٹ کردیا ہے سماجی معاشی تحرکات پر مکمل روک لگادیا ہے اسی ضمن میں ہمارے ہندوستان میں بھی ایک لمبے دورانیے کے لٸے کرفیو لگا دی گٸی ہے، یہ کرفیو تین ہفتے پر مشتمل ہے یعنی چودہ اپریل تک سرکاری و غیر سر کاری تمام لازمی ادراوں کے علاوہ سبھی اداروں، کارخانوں، فیکٹریوں، کمپنیوں، دکانوں، پبلک ٹرانسپورٹ سسٹم کو بند کردیا گیا ہے، یہاں تک کے شوشل ڈسٹینسینگ کا توازن بناۓ رکھنے کے لٸے تعلیمی اداروں، عبادت گاہوں پر بھی پابندی عاٸد کردی گٸی ہے، کسی ایک جگہ چار پانچ افراد کو بھی ایک ساتھ جمع ہونا یا جمع کرنا قابل جرم قرار دیا گیا ہے، جسکی وجہ سے جو لوگ جہاں تھے وہیں پھنسے ہوۓ ہیں، نظام زندگی معطل ہوکر رہ گٸی ہے، ایسے میں سوال یہ پیدا ہوتا ہیکہ ہمارا ملک دوسرے ممالک کی طرح ترقی یافتہ تو ہے نہیں یہاں پہلے سے بے روزگاری بھوک مری کی شرح بہت زیادہ تھی ملک پہلے سے ہی معاشی اعتبار سے جوج رہا تھا اب اس طویل ترین کرفیو سے مستقبل میں جو ہلاکت خیز معاشی بحران پیدا ہوگا اس پر شاید ہمارے وزیر اعظم اور وزراۓ اعلی کی نظر ہے یا نہیں یہ تو انہیں کو پتہ ہوگا اور اس سے نمٹنے کے لٸے کیا پالیسی اختیار کی جاٸیگی یہ تو وقت ہی بتاۓ گا، تاہم کرفیو کے بعد اس وقت جو مساٸل پیدا ہورہے ہیں اس پر ہماری سرکار کو توجہ دینے کی ضرورت ہے ہندوستان کے تمام بڑے شہروں میں کروڑوں مزدور اور پھٹکر کارو باری رہتے ہیں جنکی زندگی کے گزارے کا انحصار روز کی آمدنی پر ہے جنکا وہاں مکان ہے نہ کوٸی ٹھکانہ ان میں سے بیشتر غریب الوطن ہیں جو بہار یوپی جھارکھنڈ اڑیسہ بنگال اور چھتیس گڑھ وغیرہ سے آۓ ہوۓ ہیں اب کرفیو کی وجہ سے وہ اپنے گھر جاسکتے ہیں اور نہ وہاں اسکے پاس کوٸی ٹھکانہ یا پیسہ ہے جس سے وہ اپنی زندگی بچا سکے وہ رو رہے ہیں یا بلک رہے ہیں انکا کوٸی سہارا نہیں، ایسے میں دیش کے وزیر اعظم جناب مودی جی اور تمام وزارء اعلی مرکزی وزیر براۓ خوراک و رسد جناب رام ولاس پاسوان صاحب کی ذمہ داری بنتی ہے کہ اس معاملہ پر غور کریں اور جلد از جلد ان تمام محتاجوں تک سہولیات مہیا کراٸیں، پولیس والے کی ذمہ داری بنتی ہیکہ وہ صرف لاٹھی ڈنڈا چلانے کے لٸے نہیں ہیں بلکہ پبلک سیوا اور انکی حفاظت بھی پولیس کی ذمہ داری ہے اس لٸے اس مصیبت کی گھڑی میں ایسے لوگوں کی مدد کریں انکی صحیح رہنماٸی کریں اسکے علاوہ ملک کے تمام سرمایہ داروں، تاجروں، فلم سازوں، اداکاروں، کھلاریوں، نیتاوں، سماجی و مذھبی کارکنان و تنظیم کے لوگوں کی بھی ذمہ داری بنتی ہیکہ ایسے لوگوں کی زندگی بچانے میں پیش قدمی کریں اور سچے ہندوستانی ہونے کا ثبوت دیں۔
ساجد ندوی پرسونی مدہوبنی بہار