مہاگٹھ بندھن میں سیٹوں کی تقسیم کا حل

مظاہر حسین عماد قاسمی بہاراسمبلی الیکشن کے ایام بہت قریب ہیں ، مگر مہاگٹھ بندھن میں سیٹوں کی تقسیم کا مسئلہ ٹیڑھی کھیر بنا ہوا ہے ، کانگریس اور دیگر چھوٹی پارٹیاں اپنے ووٹوں کی طاقت سے زیادہ سیٹیں مانگ رہی ہیں ،

آئیے دیکھتے ہیں کون سی پارٹی کتنے سیٹوں کی حقدار ہے ،

*سیٹوں کی تقسیم کا معیار کیا ہو!

سیٹوں کی تقسیم کا معیار گذشتہ الیکشن کی کارکردگی ہونی چاہیے ، جمہوریت میں فیصلہ کن طاقت عوام کی ہوتی ہے ، جس پارٹی کو جتنے فیصد عوام نے قبول کیا ہے ، اسے اتنے فیصد عزت ملنی چاہیے ،اس لیے گذشتہ الیکشن میں حاصل کردہ ووٹ کے حساب سے سیٹوں کی تقسیم ہونی چاہیے ،

دوہزار پندرہ کے مہاگٹھ بندھن میں شامل ایک بڑی پارٹی جنتادل یو آج دوہزار بیس میں مہاگٹھ بندھن میں نہیں ہے

*دوہزار بیس کا مہاگٹھ بندھن*

1- راشٹریہ جنتادل
2- انڈین نیشنل کانگریس
یہ دونوں دوہزار پندرہ میں بھی مہاگٹھ بندھن میں شامل تھیں ،

*مہاگٹھ بندھن میں شمولیت کی خواہاں پارٹیاں*

1- کمیونسٹ پارٹی آف انڈیا ( سی پی آئی )
مشہور نوجوان لیڈر ڈاکٹر کنہیاکمار اسی پارٹی کے لیڈر ہیں
2- کمیونسٹ پارٹی آف انڈیا (مارکسسٹ )سی پی آئی ( ایم)
3- کمیونسٹ پارٹی آف انڈیا ( مارکسسٹ لیننسٹ)سی پی آئی ایم ایل

*دوہزار پندرہ میں مہاگٹھ بندھن کی کس پارٹی نے کتنا ووٹ حاصل کیا!

1- راشٹریہ جنتادل – کل ووٹ 6995502 , ووٹ فیصد 18.40
کل امیدوار ایکسوایک(101), کامیاب امیدوار ,اسی (80)
پر سیٹ ووٹ اوسط :69262 سے زائد

2- انڈین نیشنل کانگریس – کل ووٹ 2539638،
ووٹ فیصد 6.70
کل امیدوار ااکتالیس(41), کامیاب امیدوار ,ستائیس (27)
پر سیٹ ووٹ اوسط :61942 سے زائد

3- سی پی آئی – کل ووٹ 516699
ووٹ فیصد 1.40
کل امیدوار اکانوے(91), کامیاب امیدوار ,صفر (0)
پر سیٹ ووٹ اوسط :5678

4-سی پی آئی ایم ایل – کل ووٹ 587701
ووٹ فیصد :1.50
کل امیدوار انٹھانوے(98), کامیاب امیدوار ,تین (تین )
پر سیٹ ووٹ اوسط :5997

5- سی پی آئی (ایم ) – کل ووٹ :232149
ووٹ فیصد :.0.60 یعنی ایک فیصد سے بھی کم
کل امیدوار 38(98), کامیاب امیدوار , صفر (0)
پر سیٹ ووٹ اوسط : 6010

*سیٹیں تقسیم کرنے کا آسان طریقہ

مہاگٹھ بندھن میں موجود مذکورہ بالا تمام پارٹیوں کے ووٹوں کو جوڑیں اور پھر جو حاصل نکلے ،اس کو دوسو تینتالیس سے تقسیم کردیں ،
بہار اسمبلی کی کل سیٹیں دوسوتینتالیس ہیں

ان تمام پارٹیوں کا ٹوٹل ووٹ ایک کروڑ آٹھ لاکھ اکہتر ہزار چھ سو اٹھاسی (10871688) ہوتا ہے ، اس کو جب دو سو تینتالیس سے تقسیم کریں گے تو چوالیس ہزار سات سو انچالیس ( 44739.46) نکلے گا ، اس حساب سے مہاگٹھ بندھن کی کون پارٹی کتنے سیٹوں پر امیدواری کی حقدار ہیں وہ مندرجہ ذیل ہیں

1- راشٹریہ جنتادل : ایک سو چھپن (156 )سیٹیں
2- انڈین نیشنل کانگریس : سنتاون ( 57)سیٹیں
3- سی پی آئی : بارہ (12)سیٹیں
4-سی پی آئی ایم ایل : تیرہ ( 13) سیٹیں
5- سی پی آئی ایم : پانچ (5) سیٹیں

مندرجہ بالا طریقے سے سیٹوں کی تقسیم میں انصاف کا تقاضہ پورا ہوتا ہے ،
جو پارٹی اس سے زیادہ کی مانگ کر رہی وہ دوسری پارٹیوں کا حق ہتھیانے اور انہیں بلیک میل کرنے کی کوشش کر رہی ہے ,
دو تین پارٹیاں اور ہیں جو گٹھ بندھن میں شامل ہونا چاہتی ہیں مگر ان کا گٹھ بندھن میں شامل نہ ہونا ہی بہتر ہے۔