نظم! وہ لمحہ

"وہ لمحہ "( نظم ) از : شیبا کوثر (آر ہ ،بہار )انڈیا ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کیا کروں۔۔۔۔۔؟
رشک کروں
یا ماتم کروں
وہ ایک لمحہ
حسرت بھرا لمحہ
عجیب منظر تھا
ذہن نے کبھی سوچا نہ تھا
زیر ہو جائے گا
یوں بکھر جائے گا
مینار ا تہذ یب کا
سبھی دیکھ کر حیران ہیں
اہل دانش سب پریشان ہیں
تاریخ ،تہذیب ،روایات سب
ایک پل میں بدل گئے
سب جل گئے
ایک نئی سمت کا سفر ہے اب
بادشاہ سے جب تخت چھین جائے
سپاہی کی جب تلوار ٹوٹ جائے
اور ادیبوں کا قلم سوکھ جائے
پھر زندگی کا کوئی مقصد نہیں
کوئی مسکرائے ،میں پتھر نہیں
عقل و دانش سب بھول جائے
تو پھر انسان انسان نہ کہلا ئے
ہاں "وہ لمحہ ”
تاریخ ساز وہ لمحہ۔۔۔!!

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔