مائیں اپنی لاڈلی بیٹیوں کو سکھائیں نامحرم سے دوستی (فرینڈشپ)کے نقصانات۔۔۔۔۔۔

مفتی احمدنادرالقاسمی
اسلامک فقہ اکیڈمی انڈیا
آج کل اکثر دیکھنے میں آتاہے کہ ہماری بچیاں تعلیم کی غرض سے کالج یونیورسٹیز اور۔کوچننگ سنٹر گھر سے باہر جاتی ہیں ۔اورکوایجوکشن سسٹم کی وجہ سے تعلیم گاہوں میں لڑکے اورلڑکیاں ساتھ پڑھتے اورتعلیم حاصل کرتے ہیں ۔ماں باپ بڑی امیدوں اورجاں فشانی سے اوربچوں کے بہتر مستقبل کے اپناسب کچھ قربان کرکے تعلیم دلانے کی کوشش کرتے ہیں ۔اورہمیشہ ان سے پرامیدرہتے ہیں کہ بچے اوربچیاں تعلیم پاکر اچھے انسان بنیں گے ۔اوراچھی بااخلاق نسل ان کے ذریعہ پروان چڑھے گی ۔اچھے رشتے ملیں گے ۔لوگ ماں باپ کی تربیت کے گن گائیں گے ۔مگر کبھی کبھی معمولی چوک ۔بچوں کی نادانی اوروالدین کی لاپرواہی کے نتیجے میں ۔دوستی اورفرینڈشپ کے مایاجال میں بھنس جاتے ہیں اورشیطان اس میں ملمع سازی کے ذریعہ خوب رنگ بھرتارہتاہے ۔اوراسے معمولی چیزبناکر پیش کرتا اوراپنے دام فریب میں گرفتار کرتاجاتاہے ۔۔بچے بچیوں پر اعتماد کی وجہ سے والدین کی نظریں وہاں تک نہیں جاتیں ۔اوراندرہی اندر بچے اوربچیاں دوستی کے نام پر غلط راستے پر چل پڑتے ہیں ۔اورجب پتہ چلتاہے توبہت دیرہوچکی ہوتی ہے ۔
یہ بات یاد رکھنے کی ہے کہ بچے اوربچیاں جب 13 ..14 سال کے ہونے لگیں تو والدین کو چاہیٸے کہ بچوں پر اپنی نگاہ تیزکردیں ۔ان کی نقل وحرکت پر نظر رکھناشروع کردیں ۔اگر بچے وقت سے پہلے اسکول جانے لگیں تو اس کی بھی وجہ جاننے کی کوشش کرنے لگ جاٸیں اوراگر دیر سے گھر آٸیں تو اس پر بھی گرفت کریں کہ ایسا کیوں ہورہاہے ۔کیونکہ بچوں کے بننے اوربگڑنے کی یہی عمر ہوتی ہے۔۔بچے کبھی کبھی دیرسے گھر آتے ہیں ۔بہانے بناتے ہیں کہ فلاں دوست مل گیاتھا اس لٸے دیر ہوگٸی ۔بچوں کی اس طرح کی بہانے بازیوں کو سمجھنے کی کوشش کریں ۔اوران کو احساس دلاٸیں کہ یہ سب آپ کی بہتر تربیت اورشاندار مستقبل کے لٸے کیاجارہا ہے ۔آپ کو پریشان یا الجھن میں ڈالنے کے لٸے نہیں ۔
اگربچے اوربچیوں کو یہ احساس ہوجاٸے ۔کہ والدین ہماری حرکتوں سے غافل نہیں ہیں ۔توپھروہ دوستی اورفرینڈشپ کے نام پر غلط راستوں پرجانے سے ان شا ٕ اللہ بچے رہیں گے اور اپنی تواناٸی اپنے بہتر مستقبل کی تعمیر میں لگاٸیں گے اورایک دن ضرورکامیاب زندگی کے حامل بن جاٸیں گے۔۔۔
8اگست کے راشٹریہ سہارا اردو میں ۔ایک مختصر مضمون ۔”نامحرم سے دوستی“کے عنوان سے نظر سے گذرا بہت عمدہ اصلاحی مضمون تھا ۔اوربچیوں کی اخلاقی تربیت کے لحاظ سے بہت جامع ۔اسے یہاں نقل کرنا مناسب معلوم ہورہاہے۔۔
”ایک نامحرم کبھی دوست نہیں ہوتا گڑیا ۔وہ قبرکاسانپ ہوتاہے ۔یاجہنم کا انگارہ ۔دوستی ایک بہت پیارا انمول رشتہ ہے ۔لیکن نامحرم سے دوستی نفس۔ملمع کی ہوٸی باتوں اورخواہشات کادھوکہ ہے۔اورقطعا حرام فعل ہے ۔اسلام میں ایک غیرمحرم عورت اور مردکے درمیان دوستی نام کا کوٸی رشتہ نہیں ہے۔نامحرم سے دوستی شیطان سے دوستی کے مترادف ہے۔۔اورشیطان سے دوستی انسان کو جنت سے دور اورجہنم سے قریب کرتی ہے۔۔اللہ تعالی نے عورتوں کو تاکید کی ہے کہ وہ غیرمحرم سے بات کرتے ہوٸے لہجہ نرم نہ رکھیں ۔کیونکہ جب عورت نرمی یالچک دکھاتی ہے تویہ بہت سی خرابیوں کاباعث بنتاہے ۔غیرمحرم کبھی آپ کی حفاظت نہیں کرسکتا۔۔وہ کبھی آپ کا مخلص نہیں ہوسکتا۔۔غیرمحرم غیرمحرم ہی ہے۔۔چاہے معاملہ دینداری کاہویا دنیاداری کا ۔ عظیم مفسر قران علامہ آلوسی شافعی اپنی تفسیر ”روح المعانی “ میں فرماتے ہیں نامحرم مردوں کے ساتھ سخت لہجہ میں بات کرنا ۔عورت کی بہترین صفات میں شمارکیاجاتاہے۔ زمانہ جاہلیت میں بھی اوراسلام میں بھی۔(11/187)..
اللہ رب العزت نے سورہ نسا ٕ میں مومن عورتوں کی ایک صفت یہ بھی بتاٸی ہے کہ”وہ چھپے دوستی نہیں بناتی“ توچھپی دوستی سے مراد نامحرم سے دوستی ہے۔۔
آپ غور کریں جب اللہ پاک آپ کو اس طرح نامحرم سے دوستی سے منع کررہاہے ۔تو یقینا اس میں فاٸدہ ہی ہے ۔دنیااورآخرت دونوں اعتبارسے۔۔بیٹیو۔إسوچو اگرغیرمحرم اتنامخلص ہوتاتو میرا اللہ کبھی اس سے پردے کا حکم نہ دیتا ۔(۔اورہاں ۔یہ پردہ صرف شادی کے بعد نہیں ۔شادی سے پہلے بھی ہے ۔بالغ یعنی 12 سال کے بعد۔)۔اورپھر اتنے سخت لہجہ میں عورت کوغیرمحرم سے بات کرنےکی تاکید نہ کرتا۔۔غیرمحرم جتنابھی دیندار اوراعلی اخلاق کامالک ہو ۔اس کے لٸے دل کے دروازے کھولنا ۔ذلت اوررسواٸی کا سبب بن سکتاہے ۔۔محبت اورغیرمحرم سے دوستی ۔نکاح سے پہلے ۔حددرجہ کی گمراہی ہے۔فریب ہے ۔شیطانی دھوکہ ہے ۔اورحرام ہے۔۔ایک لڑکی کےلٸےمعاشرے میں بدترین پہچان کسی غیرمحرم کی دوستی (گرل فرینڈ)ہوناہے۔۔غیرمحرم سے دوستی چاہے تعلیم گاہ میں ہو یاتعلیم سے باہر کسی سے ۔ایسا فعل ہے جس کاارتکاب کرنے والا اپنی عزت کھوبیٹھتاہے ۔غیرمحرم سے تعلقات انسان کو اس دنیامیں بھی ذلیل کرتے ہیں اورآخرت میں بھی ۔جب تمام مخفی اعمال سامنے لاٸے جاٸیں گے۔توایسی رسواٸی ہوگی ۔کہ کسی سے نظریں نہیں ملاسکیں گے۔۔پھرپہاڑوں کے برابر کیٸی نیکیاں بھی راکھ بن جاٸیں گی۔۔۔یہ بات بہت حیران کن ہے کہ لال بیگ اورچھپکلی سے ڈرنے والی حساس لڑکیاں آخر ایک غیرمحرم سے اکیلے میں ملنے نہیں ڈرتیں ۔۔حالانکہ لال بیگ اورچھپکلی نقصان نہیں پہونچاتے۔۔لیکن ایک غیر محرم آ پ کی روح ۔آپ کے جسم ۔آپ کی پاکدامنی ۔آپ کی عزت آپ کا حسب نسب آپ کے والدین کا آپ پر اعتبار حتی کہ آپ کی آخرت بھی بربادکرسکتاہے ۔“۔۔
آٸے دن ہم ہم مسلم بچیوں کے غیر مسلموں کے ساتھ فرارہونے ۔ان کے ساتھ شادی کرلینے ۔اورارتدادکی راہ اختیار کرلینے کی خبریں سنتے رہتے ہیں ۔ظاہر یہ سارے راستے ۔غیرمحرم سے دوستی فرینڈ شپ اورتعلقات ۔قاٸم کرلینے کے راستے سے ہی گذرتے ہیں ۔۔ہمیں چاہٸے کہ اپنے بچوں اوربچیوں کو لاڈ پیار ۔تعلیم کے ساتھ ساتھ ان کی اخلاقی اوردینی تربیت کا ۔ بھی خیال رکھیں ۔ان کو حرام وحلال رشتوں کی بھی پہچان کراٸیں ۔۔حجاب اورساتروحیادار لباس وپوشاک کی اہمیت اورفواٸد بھی بتاٸیں ۔۔ان شا ٕاللہ ہمارے بچے اوربچیاں ضرور اخلاق وکردار کے جوہر سے آراستہ ہوں گے۔اورہمارے اورملت کےوقار کی ضمانت بنیں گے ۔۔اللھم اھدنا الی صراط مستقیم ۔آمین