گوپال گنج میں بی جے پی کی جیت اور آر جے ڈی کی شکست کے پیچھے اسد الدین اویسی کا ’’بدلہ‘‘؟

نئی دہلی(ایجنسی) بہار کی دو سیٹوں موکاما اور گوپال گنج کے لیے ضمنی انتخابات ہوئے۔ دونوں جگہوں پر آر جے ڈی کے امیدوار میدان میں تھے۔ جے ڈی یو اور آر جے ڈی کے عظیم اتحاد کی حکومت بننے کے بعد بہار میں یہ پہلا الیکشن تھا۔ آر جے ڈی نے موکاما سیٹ آسانی سے جیت لی، لیکن گوپال گنج سیٹ پر بی جے پی نے اپنی گرفت برقرار رکھی۔
گوپال گنج سیٹ پر دلچسپ مقابلہ ہوا۔ بی جے پی نے یہ سیٹ تقریباً 2000 ووٹوں سے جیتی لیکن یہاں آر جے ڈی کی ہار کی وجہ اسد الدین اویسی تھے۔ ان کی پارٹی AIMIM کو 12000 ووٹ ملے اور BSP کو 8000 ووٹ ملے۔ یعنی ان دو پارٹیوں کی وجہ سے ووٹ تقسیم ہوئےہیں۔ خاص طور پر اویسی کی وجہ سے مسلم ووٹوں کی تقسیم ہوئی۔ کئی ماہرین کا کہنا ہے کہ تیجسوی نے جس طرح اویسی کی پارٹی کو آر جے ڈی میں ضم کیا، اویسی نے اس کا بدلہ لے لیا۔
یہ پہلا موقع نہیں ہے جب اویسی نے تیجسوی یادو کو نقصان پہنچایا ہو۔ بہار اسمبلی انتخابات کے دوران بھی اویسی نے سیمانچل، یعنی پورنیہ، کٹیہار، کشن گنج جیسے علاقوں میں اچھی گرفت بنائی تھی اور پانچ سیٹیں جیتی تھیں۔ اس کے علاوہ 10 سے زیادہ سیٹوں پر آر جے ڈی کو نقصان پہنچا۔
حال ہی میں تیجسوی نے اویسی کی پارٹی کے تمام ایم ایل ایز کو اپنی پارٹی میں ملا کر بہار میں اویسی کی پارٹی کو ختم کر دیا تھا۔ بہار کی سیاست کے ماہرین کا ماننا ہے کہ اویسی نے اس کا بدلہ تیجسوی سے لیا ہے۔
اب گوپال گنج کے بہانے آر جے ڈی، سماج وادی پارٹی، ترنمول کانگریس، این سی پی اور کانگریس کے سامنے ایک بڑا سوال یہ ہے کہ اویسی کے بڑھتے ہوئے اثر و رسوخ سے کیسے نمٹا جائے، کیونکہ یہ حقیقت ہے کہ مسلم ووٹر اویسی کو ووٹ دے رہے ہیں ۔ اویسی کو ووٹ دینا، یہ تقسیم باقی جماعتوں کو پریشان کر رہی ہے۔ ان تمام جماعتوں کو کوئی نہ کوئی حل تلاش کرنا ہوگا کہ یا تو وہ اویسی سے لڑنے کی حکمت عملی بنائیں یا انہیں اپنے اپنے حصے سے کچھ نشستیں دے کر اپنے اتحاد کا حصہ بنائیں۔