آدھار کارڈکے تعلق سے اہم خبر، اگرآپ کے آدھارکو 10 سال ہو چکے ہیںتوخبرآپ ہی کے لئے ہے!

نئی دہلی(ایجنسی) آدھار کارڈ آج ہر کسی کے لیے تقریباً ضروری ہو گیا ہے۔ جس کے پاس آدھار کارڈ نہیں ہے وہ حکومت کی کسی اسکیم کا فائدہ نہیں اٹھا سکتا۔ اس کے ساتھ ہی حکومت نے پین کو آدھار کارڈ سے جوڑنے کو بھی لازمی قرار دیا ہے۔ حکومت نے کہا کہ جن لوگوں نے 31 مارچ تک اپنے پین کو آدھار کارڈ سے نہیں لنک کیا، ان کا پین کارڈ 31 مارچ کے بعد بیکار ہو جائے گا۔ یعنی اب پین کارڈ کے ساتھ آدھار کو لازمی قرار دے دیا گیا ہے۔
آدھار کارڈ بنانے کا آغاز 29 ستمبر 2010 کو پہلا آدھار کارڈ جاری کرنے کے ساتھ ہوا۔ اسے بائیو میٹرک کر دیا گیا ہے۔ آنکھوں کی سکیننگ سے لے کر ہاتھوں کی تمام انگلیوں کے نشانات لیے جاتے ہیں اور تمام ڈیٹا UIDAI کے ذریعے حکومت کے پاس رکھا جاتا ہے۔ یہ ادارہ اس کا پورا کام کرتا ہے۔ ویب سائٹ کے ذریعے بہت سے کام کیے جا سکتے ہیں۔
اب UIDAI نے کہا ہے کہ اگر آپ کا آدھار 10 سال پہلے بنایا گیا تھا اور اسے اپ ڈیٹ نہیں کیا گیا ہے، تو آپ سے درخواست ہے کہ اپنے ’شناخت کا ثبوت‘ اور ’پتہ کا ثبوت‘ دستاویزات اپ لوڈ کرکے اس کی دوبارہ تصدیق کریں۔ آن لائن اپ لوڈ کرنے کی فیس 25 روپے اور آف لائن کے لیے 50 روپے ہے۔
یعنی جن لوگوں کا آدھار کارڈ 10 سال سے زیادہ ہو چکا ہے، انہیں اسے اپ ڈیٹ کرنا ہوگا۔ یعنی آپ نے 10 سال میں ایک بار بھی اپڈیٹ نہیں کیا تو آپ کو یہ کرنا ہوگا۔ آپ کو اپنا موبائل نمبر، نام اور پتہ اپ ڈیٹ کرنا ہوگا۔ اس کے ساتھ ساتھ یہ وارننگ بھی دی گئی ہے کہ اپ ڈیٹ کرتے وقت تمام جعلساز موقع کا فائدہ اٹھا کر دھوکہ دے سکتے ہیں۔ ایسے میں ضروری ہے کہ جن لوگوں نے یہ کام کروانا ہے وہ اس عمل کو ہوش و حواس سے مکمل کریں۔ آپ امنگ پورٹل سے اپنے قریب ترین آدھار مرکز کو بھی تلاش کر سکتے ہیں۔