قرآن کا معجزہ : دوبھائیوں نے چند مہینوں میں مکمل قرآن حفظ کرلیا

ممبئی

مولانا قمر عالم اشاعتی،مدھوبنی بہار کے دو صاحبزادے نے چند مہینوں میں ہی پورا قرآن اپنے سینے میں محفوظ کرنے کی سعادت حاصل کرلی۔ بڑے فرزند دس سالہ حافظ عمر فاروق نے محض گیارہ مہینے میں پورا قرآن حفظ کرلیا ، جبکہ چھوٹے بیٹے آٹھ سالہ حافظ ابوذر صرف چھ مہینے میں مکمل قرآن کے حافظ بن گئے۔ یقنا یہ قرآن کا معجزہ ہے کہ اتنے چھوٹے چھوٹے بچے چند مہینوں میں پورا قرآن زبانی یاد کرلیتے ہیں، پوری دنیا اس کی کوئی مثال نہیں ہے کہ کسی دوسری کتاب کو لوگ اتنی آسانی سے مکمل یاد کرلیتے ہوں۔

دونوں بچوں نے مکتب قادریہ مسجد راہوری احمد نگر مہاراشٹر مںو حفظ قرآن مکمل کاے۔یہ مکتب مدرسہ مدینتہ العلوم شری رامپور احمد نگر کے زیر نگرانی چلتاہےجس کے بانی اور سرپرست مولانا مفتی ارشاداللہ صاحب قاسمی صدر جمعتی علماء ہند ضلع احمد نگر ہیں۔علاقے کے علماء اور معزز شخصیات نے دونوں بچوں کو مبارکباد پیش کیا اور ان کے والد جن کی ذاتی محنت کی وجہ سے بچوں نے یہ حاصل کیا ان کی کوششوں کو بھی سراہا۔

مولانا قمر عالم اشاعتی کے آبائی گاؤں ڈارہ ، مدھوبنی میں بھی علماء ، عوام اور رشتہ داروں نے بے حد خوشی و مسرت کا اظہار کیا اور دونوں نونہال حفاظ کو مبارکباد پیش کیا اور ان کے اچھے مستقبل کے لئے دعائیں کیں۔