آن لائن حج فارم بھرنے کا عمل شروع

20؍ دسمبر تک بھرے جائینگے حج 1445ھ کے لئے فارم
دیوبند،4؍ دسمبر(سمیر چودھری؍بی این ایس)
حج بیت اللہ کی خواہش رکھنے والے افراد کے لئے آن لائن حج فارم بھرنے کا سلسلہ شروع ہوگیاہے۔ حج کمیٹی آف انڈیاکی جانب سے حج2024؍ کے لئے اعلان جاری کردیاہے۔آئندہ 20؍ دسمبر تک آن لائن حج فارم بھرنے کا عمل جاری رہے رہے گا۔ حج کمیٹی آف انڈیا نے آن لائن حج فارم بھرنے کے لئے 4؍دسمبر سے ویب سائٹ کھول دی ہے۔ دیوبند کائونٹر نے بھی حج فارم 2024کے بھرنے کا سلسلہ شروع کر دیا ہے- اس سال حج فارم بھرنے کے کئے وزارت حج اور حج کمیٹی آف انڈیا نے صرف 15؍دنوںکا وقت دیا ہے، اسلئے حج فارم آئندہ 20دسمبر 2023تک بھرے جائیں گے۔ حج کمیٹی کے مطابق حج فارم بھرنے کے لئے مشین ریڈ ایبل بینک کھاتہ، کینسل چیک، ویکسین سرٹیفکیٹ ، خون رپورٹ اور 3.5*3.5سینٹی میٹر سائز کے رنگین فوٹو سفید بیک گرائونڈ کے ساتھ کی ضرورت ہوگی۔ ایک گروپ میں زیادہ سے زیادہ 4عازمین درخواست دے سکیں گے۔ حج فارم اگر الاٹ کوٹہ سے زیادہ بھرے گئے تو عازمین کا انتخاب قرعہ اندازی سے کیا جائے گا اور فارم کی تعداد کم ہونے کی صورت میں براہ راست تمام عازمین کو منظوری حاصل ہو جانے کا امکان ہے۔ حج کمیٹی کے توسط سے صرف ایک مرتبہ حج کیا جا سکتا ہے البتہ محرم کی صورت میں رپیٹر کے طور پر سفر حج کی اجازت ہوگی۔ حج 2024کے لئے درخواست دینے کے خواہش مند حضرات اپنی مکمل دستاویزات کے ساتھ صبح 9بجے سے شام 7بجے تک دیوبند حج کائونٹرپر آکر یا موبائل نمبر 9997357686ا رابطہ کرکے معلومات حاصل کر سکتے ہیں۔